తెలంగాణ
రాహుల్ గాంధీ, సీఎం రేవంత్ ను వెంటనే అరెస్ట్ చేయాలి
BJP: హైదరాబాద్ వేదికగా కాంగ్రెస్ ప్రభుత్వం నిర్వహించిన భారత్ సమ్మిట్ పై బీజేఎల్పీ నేత మహేశ్వర్ రెడ్డి నిప్పులు చెరిగారు. ఆ సదస్సులో ఓ విదేశీయుడు భారత దేశాన్ని విమర్శిస్తుంటే ప్రతిపక్షనేత రాహుల్ గాంధీ చప్పట్లు కొట్టి ప్రజాస్వామ్యాన్ని అపహాస్యం చేశారని మండిపడ్డారు. ఇది ముమ్మాటికే దేశద్రోహమే అన్నారు. ఈ అంశంపై ఇప్పటికే రాష్ట్ర బీజేపీ అధ్యక్షుడు డీజీపికి ఫిర్యాదు చేశారని ఆయన తెలిపారు. విదేశీయుడి మీద ఇప్పటివరకు తీసుకున్న చర్యలు ఏంటో చెప్పాలని డీజీపీని డిమాండ్ చేశారు ఏలేటి మహేశ్వర్ రెడ్డి. దేశ ద్రోహానికి పాల్పడ్డ రాహుల్ గాంధీ, సీఎం రేవంత్ రెడ్డి ప్రజలకు క్షమాపణలు చెప్పాలన్నారు. రాహుల్ గాంధీ, రేవంత్ లను వెంటనే అరెస్ట్ చేసి చంచల్ గూడ జైలుకి తరలించాలని డిమాండ్ చేశారు ఏలేటి మహేశ్వర్ రెడ్డి.
