తెలంగాణ

ప్రభుత్వ అధికారులే అత్యంత అవినీతిపరులు.. అధికార పార్టీ ఎమ్మెల్యే అనిరుధ్‌రెడ్డి సంచలన వ్యాఖ్యలు!

 ప్రభుత్వ అధికారుల పనితీరు, అవినీతిపై అధికార కాంగ్రెస్ పార్టీకి చెందిన జడ్చర్ల ఎమ్మెల్యే జనంపల్లి అనిరుధ్ రెడ్డి సంచలన వ్యాఖ్యలు చేశారు. రాజకీయ నాయకుల కంటే ప్రభుత్వ అధికారులే అత్యంత అవినీతిపరులుగా మారారని ఆయన బహిరంగంగా ఆరోపించారు. కొంతమంది అధికారులు విచ్చలవిడిగా లంచాలు తీసుకుంటూ ప్రజలను ఇబ్బందులకు గురిచేయడం వల్లే తమ ప్రభుత్వానికి తీవ్ర చెడ్డ పేరు వస్తోందని అనిరుధ్ రెడ్డి ఆవేదన వ్యక్తం చేశారు. సొంత ప్రభుత్వ యంత్రాంగంలోని లోపాలను ఆయన నేరుగా ఎండగట్టడం ప్రస్తుతం రాష్ట్ర రాజకీయ వర్గాల్లో తీవ్ర చర్చనీయాంశంగా మారింది.