జాతీయం

Flydubai: 180 మందిని కాపాడిన భారత పైలట్..!

4 నిమిషాల పఠనం

Flydubai: ఆకాశంలో వేల అడుగుల ఎత్తున 180 మంది ప్రయాణికులతో వెళ్తున్న విమానంలో కో-పైలట్ ఒక్కసారిగా ఉన్మాదిలా మారాడు. ఒళ్లంతా గాయాలవుతున్నా, చావు అంచుల వరకు వెళ్లినా ఏమాత్రం వెనుకడుగు వేయకుండా ఓ భారత కెప్టెన్ చూపిన అసాధారణ తెగువ 180 మంది ప్రయాణికులకు ప్రాణదానం చేసింది.

Flydubai: ఆకాశంలో వేల అడుగుల ఎత్తున 180 మంది ప్రయాణికులతో వెళ్తున్న విమానంలో కో-పైలట్ ఒక్కసారిగా ఉన్మాదిలా మారాడు. ఒళ్లంతా గాయాలవుతున్నా, చావు అంచుల వరకు వెళ్లినా ఏమాత్రం వెనుకడుగు వేయకుండా ఓ భారత కెప్టెన్ చూపిన అసాధారణ తెగువ 180 మంది ప్రయాణికులకు ప్రాణదానం చేసింది.

కంట్రోల్స్ వదలకుండా పోరాటం

దుబాయ్ నుంచి ఇజ్రాయెల్‌లోని టెల్ అవీవ్‌కు బయల్దేరిన ఫ్లైదుబాయ్ విమానం టేకాఫ్ అయిన సుమారు రెండున్నర గంటల తర్వాత ఈ ఘటన జరిగింది. కాక్‌పిట్ లోపల ఉన్న ఒమన్ జాతీయుడైన కో-పైలట్ అకస్మాత్తుగా తోటి భారత కెప్టెన్‌పై కత్తితో విచక్షణారహితంగా దాడికి దిగాడు. విమానాన్ని కూల్చేయడమే లక్ష్యంగా అతను దాడికి యత్నించినట్లు స్పష్టమవుతోంది. రక్తమోడుతున్నా సరే ఆ భారత పైలట్ మాత్రం విమానం స్టీరింగ్ వదలకుండా నిలబడటంతో పాటు, ప్రాణాలకు తెగించి ఆ ఉన్మాదిని ఎదుర్కొన్నారు.

అప్రమత్తమైన సిబ్బంది..

క్యాబిన్ లోపలి నుంచి వినిపించిన పెనుగులాట, ఆర్తనాదాలు విన్న వెంటనే ప్రయాణికులు, అదే ఫ్లైట్‌లో ప్రయాణిస్తున్న ఆఫ్-డ్యూటీ పైలట్లు ఒక్కసారిగా లోపలికి దూసుకెళ్లారు. రక్తసిక్తంగా మారిన కాక్‌పిట్‌లో దుండగుడిని బలవంతంగా కిందపడేసి బంధించారు. అనంతరం ఇతర పైలట్లు విమానాన్ని తమ నియంత్రణలోకి తీసుకుని అత్యవసరంగా సౌదీ అరేబియాలో ల్యాండ్ చేశారు. తీవ్ర గాయాలపాలైన కెప్టెన్‌ను వెంటనే చికిత్స నిమిత్తం తరలించారు.

విదేశీ గడ్డపై భారత పైలట్‌కు ప్రశంసల జల్లు

క్లిష్ట సమయంలో భారత కెప్టెన్ సమయస్ఫూర్తితో పోరాడకపోతే పెను విషాదం జరిగి ఉండేదని ప్రయాణికులు కన్నీటితో గుర్తుచేసుకుంటున్నారు. అంతర్జాతీయ విమానయాన వర్గాలు, ప్రయాణికులు మన దేశ పైలట్ చూపిన ధైర్యసాహసాలను వేనోళ్ల కొనియాడుతూ రియల్ హీరోగా అభివర్ణిస్తున్నారు. మరోవైపు ఈ దాడి వెనుక అంతర్జాతీయ ఉగ్రవాద కుట్ర ఏమైనా ఉందా అనే కోణంలో దర్యాప్తు సంస్థలు ఆరా తీస్తున్నాయి.

#Flydubai#Indian Pilot#Pilot Heroics#Aviation News#Flight Incident#Co-Pilot Attack#Dubai#swechaa news
వాట్సాప్ ఛానెల్‌లో చేరండి

తెలుగు వాట్సాప్ చానల్‌లో చేరడానికి ఇక్కడ క్లిక్ చేయండి

గూగుల్‌లో స్వేచ్ఛను మీ ప్రాధాన్య వార్తా వనరుగా ఎంచుకోండి

తర్వాత చదవండి