తెలంగాణ

TG: 2029లో సిద్దిపేటలో ఎగిరేది కాంగ్రెస్‌ జెండానే.. అతనికే టికెట్‌ ఇస్తా : సీఎం రేవంత్

TG: వచ్చే 2029 అసెంబ్లీ ఎన్నికల్లో తెలంగాణ వ్యాప్తంగానే కాదు, సిద్దిపేట నియోజకవర్గంలోనూ ఎగిరేది కాంగ్రెస్ జెండానేనని ముఖ్యమంత్రి రేవంత్‌రెడ్డి స్పష్టం చేశారు. సిద్దిపేట పట్టణంలో రూ.550 కోట్ల అభివృద్ధి పనులకు శంకుస్థాపనలు, ప్రారంభోత్సవాలు చేసిన అనంతరం ఏర్పాటు చేసిన బహిరంగ సభలో ఆయన మాట్లాడారు. సిద్దిపేట గడ్డ కాంగ్రెస్ అడ్డా అని కార్యకర్తలు నిరూపించారని పేర్కొన్న సీఎం.. వచ్చే ఎన్నికల్లో నియోజకవర్గ ప్రజలు ఎవరిని కోరుకుంటే ఆ నాయకుడికే కాంగ్రెస్ టికెట్ ఇస్తానని ప్రకటించారు. అంతేకాకుండా, సిద్దిపేటలో కాంగ్రెస్ అభ్యర్థిని గెలిపిస్తే ఈ నియోజకవర్గానికి మంత్రి పదవి కూడా కట్టబెడతానని రేవంత్‌రెడ్డి హామీ ఇచ్చారు.