తెలంగాణ

Telangana Politics: కృష్ణా జలాల చుట్టూ బీఆర్ఎస్ సెంటిమెంట్ రాజకీయాలు.. మాస్టర్ ప్లాన్ ఇదేనా?

Telangana Politics: తెలంగాణ రాజకీయాల్లో మరోసారి జల వివాదం కేంద్ర బిందువుగా మారింది. ఒకప్పుడు ‘నీళ్లు, నిధులు, నియామకాలు’ అనే నినాదంతో ప్రత్యేక రాష్ట్ర ఉద్యమాన్ని నడిపిన బీఆర్ఎస్, ఇప్పుడు ప్రతిపక్షంలో ఉన్న సమయంలో మళ్లీ అదే ‘నీళ్ల సెంటిమెంట్’ను ప్రజల్లోకి తీసుకెళ్లేందుకు సిద్ధమవుతున్నట్లు రాజకీయ విశ్లేషకులు చెబుతున్నారు. నాగార్జునసాగర్ ప్రాజెక్టు వద్ద ఆంధ్రప్రదేశ్ ప్రభుత్వం చేపడుతోందని ఆరోపిస్తున్న నిర్మాణాలను ప్రధాన అస్త్రంగా చేసుకుని, మరో భారీ ప్రజా ఉద్యమానికి గులాబీ దళం రూపకల్పన చేస్తున్నట్లు తెలుస్తోంది.