స్వేచ్ఛ షార్ట్స్ — తాజా తెలుగు వార్తలు

Delhi Air Pollution: పటాకుల దెబ్బకు ఊపిరాడని ఢిల్లీ..!InternationalSwechaa09 Nov 2026, 03:33 PM

Delhi Air Pollution: పటాకుల దెబ్బకు ఊపిరాడని ఢిల్లీ..!

Delhi Air Pollution: దీపావళి సంబరాల వేళ దేశ రాజధాని ఢిల్లీని విషపూరితమైన దట్టమైన పొగ కమ్మేసింది. పండుగ రాత్రి నిబంధనలను బేఖాతరు చేస్తూ రాత్రంతా భారీగా బాణసంచా కాల్చడంతో నగరం ఒక్కసారిగా 'గ్యాస్ చాంబర్'గా మారిపోయింది. గాల్లో కాలిన మందుగుండు ఘాటు వ్యాపించి, రోడ్లపై కనీసం వీధి దీపాలు కూడా స్పష్టంగా కనిపించనంతగా పొగమంచు అలుముకుంది. తీవ్ర వాయు కాలుష్యంతో కంటిచూపు మందగించడమే కాకుండా, ఊపిరి పీల్చుకోవడం కూడా కష్టంగా మారడంతో ప్రజలు అల్లాడిపోతున్నారు. పరిస్థితి తీవ్రతను గమనించిన ప్రభుత్వం తక్షణమే 1 నుంచి 5వ తరగతి వరకు ప్రైమరీ స్కూళ్లను బంద్ చేసి, ఆన్‌లైన్ మోడ్‌లోకి మారుస్తూ కీలక నిర్ణయం తీసుకుంది.

ఇందిరమ్మ ఇళ్లతో అప్పుల పాలవుతున్న ప్రజలు :  మాజీ మంత్రి ఎర్రబెల్లిరాజకీయాలుSwechaa09 Nov 2026, 02:46 PM

ఇందిరమ్మ ఇళ్లతో అప్పుల పాలవుతున్న ప్రజలు : మాజీ మంత్రి ఎర్రబెల్లి

అధికార కాంగ్రెస్ పార్టీ తీరుపై బీఆర్ఎస్ నేత, మాజీ మంత్రి ఎర్రబెల్లి దయాకర్ రావు కీలక వ్యాఖ్యలు చేశారు. ఇందిరమ్మ ఇళ్లతో ప్రజలు అప్పుల పాలవుతున్నారని సంచలన ఆరోపణలు చేశారు. ‘ఊర్లల్లో కాంగ్రెస్ పార్టీని మెచ్చుకుంటున్నారని రేవంత్ రెడ్డి సిగ్గు లేకుండా చెప్తున్నాడని, దమ్ముంటే సెక్యూరిటీ లేకుండా నువ్వు, నీ మంత్రులు నాతో రండి’ అంటూ సవాల్ విసిరారు.ప్రజలు ఎట్ల తిడుతున్నారో చూపిస్తానని చెప్పారు. అసలు ఏం చేశావని నిన్ను ప్రజలు మెచ్చుకుంటారు? అని ప్రశ్నించారు. తమ ప్రభుత్వ హయాంలో భూమి కొనిచ్చి రూ.20 లక్షలతో ఇండ్లు కట్టించామని, మీ ఇందిరమ్మ ఇండ్ల వల్ల ప్రజలందరూ అప్పుల పాలవుతున్నారని అన్నారు. గత ఎన్నికల సమయంలో పెన్షన్ రూ.4వేలకు పెంచుతామని అన్నారని ఏమైందని అడిగారు. మహిళలకు రూ.2500 ఇస్తలేరని, విద్యార్థులకు స్కూటీలు ఇస్తామని చెప్పారని..కళ్యాణలక్ష్మి, షాదీముబారక్ బంద్ పెట్టారని మండి పడ్డారు. తులం బంగారం ఏమైందని నిలదీశారు.

Telangana Congress: కాంగ్రెస్‌లో ‘మునుగోడు’ మంటలు.. హస్తం పార్టీలో హాట్ టాపిక్‌గా రాజగోపాల్ రెడ్డి!తెలంగాణSwechaa09 Nov 2026, 02:42 PM

Telangana Congress: కాంగ్రెస్‌లో ‘మునుగోడు’ మంటలు.. హస్తం పార్టీలో హాట్ టాపిక్‌గా రాజగోపాల్ రెడ్డి!

Telangana Congress: తెలంగాణ కాంగ్రెస్‌లో మునుగోడు ఎమ్మెల్యే కోమటిరెడ్డి రాజగోపాల్ రెడ్డి వైఖరి మరోసారి తీవ్ర దుమారం రేపుతోంది. గత కొద్దిరోజులుగా సైలెంట్‌గా ఉన్న ఈ సీనియర్ నేత, ఒక్కసారిగా సొంత పార్టీ సర్కార్‌పైనే అసంతృప్తి స్వరం వినిపించడం గాంధీభవన్‌ వర్గాల్లో పెద్ద చర్చకు దారితీసింది. మంత్రుల నియోజకవర్గాలకే నిధులు తరలిపోతున్నాయని, సాధారణ శాసనసభ్యులకు మొండిచేయి చూపిస్తున్నారంటూ ఆయన చేసిన ఘాటు వ్యాఖ్యలు పార్టీలో అంతర్గత విభేదాలను రచ్చకెక్కించాయి. దీంతో హస్తం గూటిలో ఇప్పుడు ‘మునుగోడు’ మంటలు ఏ స్థాయికి చేరతాయోనన్న ఉత్కంఠ నెలకొంది.రాష్ట్రంలోని అన్ని ప్రాంతాలూ సమానమే అయినప్పుడు కొన్ని నియోజకవర్గాలకు నిధులు వరదలా పారడం, మరికొన్ని ఎడారిలా మిగిలిపోవడం ఏంటని రాజగోపాల్ రెడ్డి సూటిగా ప్రశ్నించడం ప్రభుత్వానికి పెద్ద తలనొప్పిగా మారింది. "అధికార పార్టీ ఎమ్మెల్యేగా ఉండి కూడా నా నియోజకవర్గ అభివృద్ధికి పైసలు అడుక్కోవాలా?" అంటూ ఆయన వ్యక్తం చేసిన ఆవేదన రాజకీయ ప్రకంపనలు సృష్టిస్తోంది.

రేవంత్‌రెడ్డికి బర్త్ డే విషెస్ చెప్పని సోనియా, రాహుల్.. కారణమేంటి?రాజకీయాలుSwechaa09 Nov 2026, 02:24 PM

రేవంత్‌రెడ్డికి బర్త్ డే విషెస్ చెప్పని సోనియా, రాహుల్.. కారణమేంటి?

తెలంగాణ ముఖ్యమంత్రి రేవంత్ రెడ్డి జన్మదిన వేడుకలు ఆదివారం అట్టహాసంగా జరిగిన విషయం తెలిసిందే. ఈ సందర్భంగా వివిధ రాజకీయ ప్రముఖులు ఆయనకు సోషల్ మీడియా వేదికగా శుభాకాంక్షలు తెలిపారు. అయితే, కాంగ్రెస్ పార్టీ అధిష్టానం వ్యవహరించిన తీరు రాజకీయంగా చర్చకు దారితీస్తోంది.  కాంగ్రెస్ పార్టీ అగ్రనేతలు సోనియా గాంధీ, రాహుల్ గాంధీ, ప్రియాంక గాంధీలతో పాటు ఏఐసీసీ ప్రధాన కార్యదర్శి కేసీ వేణుగోపాల్ సహా 'ఇండియా' (INDIA) కూటమిలోని ఏ ఒక్క కీలక నాయకుడు కూడా రేవంత్ రెడ్డికి అధికారిక ప్రకటన లేదా ఎక్స్ (ట్విట్టర్) పోస్టులతోగానీ ఏరకంగానూ ఆయనకు శుభాకాంక్షలు తెలిపిన దాఖలాలు కనిపించలేదు. ఇదే సమయంలో  విపక్ష ఎన్డీఏ (NDA) కూటమికి చెందిన ప్రముఖ అగ్రనేతల నుంచి సీఎం రేవంత్ రెడ్డికి శుభాకాంక్షలు వెల్లువెత్తడం చర్చనీయాంశంగా మారుతోంది.

పాలిటిక్స్ కాదు.. అభివృద్ధే ముఖ్యం.. ఒకే ఫ్రేమ్‌లో పొన్నం, బండి!తెలంగాణSwechaa09 Nov 2026, 02:24 PM

పాలిటిక్స్ కాదు.. అభివృద్ధే ముఖ్యం.. ఒకే ఫ్రేమ్‌లో పొన్నం, బండి!

కేంద్రమంత్రి బండి సంజయ్, అధికార కాంగ్రెస్‌కు చెందిన రాష్ట్ర మంత్రి పొన్నం ప్రభాకర్ తాజాగా ఒకే ఫ్రేమ్‌లో కనిపించారు. పొద్దున లేస్తే ఇరు పార్టీలకు చెందిన నేతలు విమర్శలు చేసుకోవడం కామన్. మంత్రి పొన్నం కేంద్రంలోని బీజేపీని విమర్శిస్తే.. కేంద్రమంత్రి బండి సంజయ్ రాష్ట్రంలో అధికారంలో ఉన్నకాంగ్రెస్ పార్టీ మీద తీవ్ర విమర్శలు గుప్పిస్తుంటారు. కానీ, ఇవాళ వీరిద్దరూ నేతలు ఒకేసారి మీడియా ముందుకు వచ్చారు. ఈ సందర్భంగా మంత్రి పొన్నం ప్రభాకర్ కీలక వ్యాఖ్యలు చేశారు.ఎన్నికల వరకే రాజకీయాలు, ఆ తర్వాత కరీంనగర్ అభివృద్ధే లక్ష్యం అని తేల్చిచెప్పారు. ఎన్నికల తర్వాత వ్యక్తిగత రాజకీయాలకు అతీతంగా కేంద్ర, రాష్ట్ర మంత్రులు, ఎమ్మెల్యేలు, ప్రజాప్రతినిధులంతా కలిసి ఉమ్మడి కరీంనగర్ జిల్లా అభివృద్ధికి కృషి చేయాలని నిర్ణయించుకున్నామని వెల్లడించారు.

జననమరణ ధ్రువీకరణ పత్రాల జారీలో కీలక మార్పులుNationalSwechaa09 Nov 2026, 01:49 PM

జననమరణ ధ్రువీకరణ పత్రాల జారీలో కీలక మార్పులు

జననమరణ ధ్రువీకరణ పత్రాల జారీలో కేంద్ర ప్రభుత్వం కీలక మార్పులు చేసింది. జనన, మరణాల నమోదు చట్టం -1969లో తీసుకొచ్చిన 'ది రిజిస్ట్రేషన్‌ ఆఫ్‌ బర్త్స్‌ అండ్‌ డెత్స్‌ (అమెండ్‌మెంట్‌) యాక్ట్‌–2026' కొత్త నిబంధనలు చేయగా.. అక్టోబర్ 1, 2026 నుంచి దేశవ్యాప్తంగా అమల్లోకి వచ్చాయి. ఈ నిబంధనల ప్రకారం ఆలస్యంగా ధ్రువపత్రాలు పొందే విధానాన్ని కేంద్రంలోని మోడీ సర్కార్ మరింత కఠినతరం చేసింది. దీని ప్రకారం నిర్ణీత సమయంలోగా జనన, మరణ ధ్రువీకరణ పత్రాలు పొందలేని వారు తీవ్ర ఇబ్బందులు ఎదుర్కోవాల్సి ఉంటుంది.జననం లేదా మరణం సంభవించిన 21 రోజుల్లోపు స్థానిక సంస్థలు (గ్రామ పంచాయతీలు, మున్సిపాలిటీలు, కార్పొరేషన్లు) ద్వారా ఉచితంగా ఎలాంటి రుసుము లేకుండా ధ్రువీకరణ పత్రం కోసం నమోదు చేసుకోవచ్చు.21 రోజుల నుండి 30 రోజులలోపు అయితే.. నిర్ణీత ఆలస్య రుసుము చెల్లించి నమోదు చేసుకోవచ్చు. ఇక 30 రోజుల నుండి ఒక సంవత్సరంలోపు అయితే నిర్ణీత ఆలస్య రుసుముతో పాటు సంబంధిత అధికారుల అనుమతితో నమోదు చేయబడుతుంది. ఒక ఏడాది నుండి 2 సంవత్సరాల లోపు అయితే సంబంధిత జిల్లా మేజిస్ట్రేట్, సబ్-డివిజనల్ మేజిస్ట్రేట్ లేదా వారు అధికారం కల్పించిన ఎగ్జిక్యూటివ్ మేజిస్ట్రేట్ ప్రత్యేక అనుమతి తప్పనిసరి పొందాల్సి ఉంటుంది.

‘రామాయణ కేవలం భక్తి చిత్రం మాత్రమే  కాదు..’ రాంగోపాల్ వర్మ ఇంట్రెస్టింగ్ కామెంట్స్!సినిమాSwechaa09 Nov 2026, 01:38 PM

‘రామాయణ కేవలం భక్తి చిత్రం మాత్రమే కాదు..’ రాంగోపాల్ వర్మ ఇంట్రెస్టింగ్ కామెంట్స్!

 ప్రముఖ బాలీవుడ్ దర్శకుడు నితేశ్ తివారీ ప్రతిష్టాత్మకంగా తెరకెక్కించిన ‘రామాయణ: పార్ట్ 1’ (Ramayana: Part 1) చిత్రంపై దర్శకుడు రామ్ గోపాల్ వర్మ (RGV) ప్రశంసల వర్షం కురిపించారు. సోషల్ మీడియా వేదికగా ఈ సినిమాపై ఆసక్తికర పోస్ట్ చేశారు. ఈ ప్రతిష్టాత్మక చిత్రం కేవలం ఒక సాధారణ భక్తిరస సినిమా మాత్రమే కాదని, భారతీయ సంస్కృతిలోని అపారమైన మానసిక సమర్థతను చాటిచెప్పే ఒక ‘భక్తి శక్తి’ అని అభివర్ణించారు. బాక్సాఫీస్ వద్ద విజయం సాధిస్తున్న ఈ చిత్రంపై వచ్చే కొద్దిపాటి విమర్శలను చిత్ర బృందం ఏమాత్రం పట్టించుకోవాల్సిన అవసరం లేదని వ్యాఖ్యానించారు.

TG : నేడు ఆదిలాబాద్ ఐటీ టవర్ ప్రారంభంతెలంగాణSwechaa09 Nov 2026, 01:25 PM

TG : నేడు ఆదిలాబాద్ ఐటీ టవర్ ప్రారంభం

ఉమ్మడి ఆదిలాబాద్ జిల్లాలో నూతనంగా నిర్మించిన ఐటీ టవర్‌ను ఐటీ, పరిశ్రమల శాఖ మంత్రి మంత్రి శ్రీధర్ బాబు ఇవాళ ప్రారంభించనున్నారు. ఈ ఐటీ టవర్‌ను సుమారు రూ.54 కోట్లతో నుంచి రూ. 60 కోట్ల వ్యయంతో నిర్మించారు.ఆదిలాబాద్ పట్టణ శివారులోని జాతీయ రహదారి-44 సమీపంలో ఈ భవనాన్ని నిర్మించిన విషయం తెలిసిందే.కేవలం హైదరాబాద్ మహానగరానికే పరిమితం కాకుండా టైర్-2 నగరాలకు ఐటీ సేవలను విస్తరించడంలో భాగంగా, స్థానిక చదువుకున్న యువతకు ఉపాధి అవకాశాలు కల్పించేందుకు ఈ ఐటీ హబ్ ఉపయోగపడుతుందని తెలంగాణ ప్రభుత్వం ప్రకటించింది. గత బీఆర్ఎస్ ప్రభుత్వ హయాంలో అనేక జిల్లాల్లోనూ ఈ ఐటీ టవర్స్ నిర్మించి స్థానికంగా ఉన్న యువతకు ఉపాధి కల్పించారు. చిన్న చిన్న సంస్థలు స్థాపించే వారికి రాయితీలు సైతం కల్పించారు.

డాలర్‌తో పోలిస్తే రూపాయి జోరు.. ఒక్కరోజే 25పైసలు బలోపేతం!వ్యాపారంSwechaa09 Nov 2026, 12:53 PM

డాలర్‌తో పోలిస్తే రూపాయి జోరు.. ఒక్కరోజే 25పైసలు బలోపేతం!

అమెరికా డాలర్‌తో పోలిస్తే భారతీయ రూపాయి విలువ కోలుకుని ఊపందుకుంది. సోమవారం ఉదయం జరిగిన ఫారెక్స్ ట్రేడింగ్‌లో రూపాయి ఒక్కరోజే 25 పైసలు బలపడి 93.68 స్థాయికి చేరుకుంది. అంతర్జాతీయ మార్కెట్‌లో బ్రెంట్ ముడి చమురు ధరల్లో స్వల్ప తగ్గుదల నమోదు కావడం, దేశీయ మార్కెట్లోకి విదేశీ పోర్ట్‌ఫోలియో పెట్టుబడులు (FPIs) భారీగా ప్రవహించడం, పశ్చిమాసియాలో ఇరాన్-అమెరికా ఉద్రిక్తతలు సద్దుమనుగుతాయనే ఆశాభావం రూపాయికి బలమైన రక్షణగా నిలిచాయి.

నకిలీ డెత్ సర్టిఫికెట్‌తో ప్రభుత్వ ఉద్యోగం.. 14 మంది అరెస్ట్!క్రైమ్Swechaa09 Nov 2026, 12:51 PM

నకిలీ డెత్ సర్టిఫికెట్‌తో ప్రభుత్వ ఉద్యోగం.. 14 మంది అరెస్ట్!

రాష్ట్రంలో ఘరానా మోసం వెలుగుచూసింది. పదవీ విరమణ పొందిన తర్వాత మరణించిన ఓ ప్రభుత్వ ఉద్యోగి కొడుక్కి కారుణ్య నియామకం కింద ఉద్యోగం ఇప్పించేందుకు నకిలీ ధ్రువపత్రాలు సృష్టించిన ముఠాగుట్టును పోలీసులు రట్టు చేశారు.నల్గొండ జిల్లాలో ఈ ఘరానా మోసం వెలుగుచూసింది. దీంతో స్థానికులు సైతం ఒక్కసారిగా షాక్ అయ్యారు.కారుణ్య ఉద్యోగానికి సంబంధించిన ప్రక్రియలో భాగంగా ధ్రువపత్రాల పరిశీలిస్తుండగా అవి నకిలీగా తేల్చిన అధికారులు పోలీసులకు సమాచారం అందించడంతో ఈ మోసం బట్టబయలైంది.వివరాల్లోకివెళితే.. నల్గొండలో నకిలీ మరణ ధ్రువీకరణ పత్రం సృష్టించి, సర్వీసులో ఉండగానే రిటైర్డ్ ఉద్యోగి చనిపోయినట్లు రికార్డులు తారుమారు చేసిన ముఠాను పోలీసులు అదుపులోకి తీసుకున్నారు. మృతి చెందిన ఉద్యోగి కుమారుడికి కారుణ్య నియామకం కింద ప్రభుత్వ ఉద్యోగం ఇప్పించేందుకు యత్నించారు.

గుండెపోటుతో యువ డాక్టర్ మృతి.. తండ్రి, భర్త ఇద్దరూ వైద్యులే!ఏపీSwechaa09 Nov 2026, 12:30 PM

గుండెపోటుతో యువ డాక్టర్ మృతి.. తండ్రి, భర్త ఇద్దరూ వైద్యులే!

నెల్లూరులో గుండెపోటుతో యువ డాక్టర్ లావణ్య మృతి చెందారు.చిన్న వయసులోనే డాక్టర్ లావణ్య గుండెపోటుతో కన్నుమూయడంతో కుటుంబ సభ్యుల్లో తీవ్ర విషాదం నెలకొంది. వైద్యం అందేలోపే తుదిశ్వాస విడిచిన సమాచారం. మృతురాలు ప్రాణాంతక ఆటో ఇమ్యూన్ నరాల వ్యాధితో బాధపడుతున్నట్లు వైద్యులు గుర్తించారు.లావణ్య న్యూరాలజీలో గోల్డ్ మెడల్ సాధించినట్టు తెలిసింది. సోషల్ మీడియా ద్వారా ప్రజలకు వైద్య సలహాలు అందిస్తున్నట్టు సమాచారం.అయితే, ఆమె తండ్రి, భర్త ఇద్దరూ వైద్యులే అని తెలిసింది. ఇంట్లో వైద్యులు ఉన్నా ఆమె ప్రాణాలు దక్కకపోవడంతో వారి కుటుంబంలోని వారు మరింత కుంగుబాటుకు గురవుతున్నారు..

ఐపీఎల్‌ సూపర్ స్ట్రైకర్ అవార్డు.. వైభవ్ సూర్యవంశీకి ఖరీదైన బహుమతి!క్రీడలుSwechaa09 Nov 2026, 12:18 PM

ఐపీఎల్‌ సూపర్ స్ట్రైకర్ అవార్డు.. వైభవ్ సూర్యవంశీకి ఖరీదైన బహుమతి!

 యువ సంచలనం వైభవ్ సూర్యవంశీ మరో ఖరీదైన బహుమతిని సొంతం చేసుకున్నాడు. ఇండియన్ ప్రీమియర్ లీగ్ (IPL 2026) టోర్నమెంట్‌లో అసాధారణ బ్యాటింగ్ ప్రతిభ కనబరిచి 'సూపర్ స్ట్రైకర్ ఆఫ్ ది సీజన్' అవార్డును కైవలం చేసుకున్నాడు. ఈ మేరకు వైభవ్‌కు  టాటా సంస్థ ఖరీదైన 'టాటా సియెర్రా ఎస్‌యూవీ' (Tata Sierra SUV) కారును అందించింది. వైభవ్ తన కుటుంబ సభ్యులతో కలిసి షోరూమ్‌కు వెళ్లి పసుపు రంగు సియెర్రా కారు ముందు దిగిన ఫొటోలు ప్రస్తుతం సోషల్ మీడియాలో వైరల్ అవుతున్నాయి.

సీఈవో తప్పుతో వెలుగులోకి భార్య లోరీ మిల్స్.. వారి లవ్‌స్టోరీ ఇదే!InternationalSwechaa09 Nov 2026, 12:00 PM

సీఈవో తప్పుతో వెలుగులోకి భార్య లోరీ మిల్స్.. వారి లవ్‌స్టోరీ ఇదే!

 ప్రపంచ ప్రసిద్ధ ఆర్టిఫిషియల్ ఇంటెలిజెన్స్(AI) చిప్‌ల తయారీ దిగ్గజ సంస్థ 'ఎన్విడియా' సీఈవో జెన్సన్ హువాంగ్ వివాహేతర సంబంధం వ్యవహారం ప్రపంచవ్యాప్తంగా తీవ్ర కలకలం రేపింది. ఈ నేపథ్యంలో ఆయన భార్య లోరీ మిల్స్ హువాంగ్ (Lori Mills Huang) జీవితం, వారి లవ్ స్టోరీ ప్రస్తుతం పబ్లిక్ డొమైన్‌లో చర్చనీయాంశంగా మారింది. జెన్సన్ హువాంగ్ చైనా ఏజెంట్‌గా అనుమానించబడుతున్న బిజినెస్ ఉమెన్ అలిస్ హువాంగ్‌తో ఎఫైర్ పెట్టుకున్నానని, తన భార్యకు తీవ్రమైన నమ్మకద్రోహం చేశానని బహిరంగంగా అంగీకరించి క్షమాపణలు కోరిన విషయం తెలిసిందే.

డీలిమిటేషన్ బిల్లుపై ముందుకేనా..? 88 రోజులు గడిచినా ప్రొరోగ్ కాని పార్లమెంట్!NationalSwechaa09 Nov 2026, 11:31 AM

డీలిమిటేషన్ బిల్లుపై ముందుకేనా..? 88 రోజులు గడిచినా ప్రొరోగ్ కాని పార్లమెంట్!

పార్లమెంట్ సమావేశాలు ఎప్పుడో ముగిశాయి. ఉభయ సభలు నిరవధికంగా వాయిదా పడ్డాయి. కానీ అధికారికంగా మాత్రం సమావేశాలకు ముగింపు పలకలేదు. చివరకు 88 రోజులు పూర్తయ్యాయి. 2008లో ఉన్న 87 రోజుల రికార్డు కూడా బ్రేక్ అయింది. అసలు ఢిల్లీలో ఏం జరుగుతోంది..? ఇదంతా డీ లిమిటేషన్ కోసమేనా..?

భారత చెస్ చరిత్రలో మరో మైలురాయి.. 100వ గ్రాండ్‌మాస్టర్‌గా నిలిచిన 22 ఏళ్ల కుర్రాడు!క్రీడలుSwechaa09 Nov 2026, 11:14 AM

భారత చెస్ చరిత్రలో మరో మైలురాయి.. 100వ గ్రాండ్‌మాస్టర్‌గా నిలిచిన 22 ఏళ్ల కుర్రాడు!

 భారత చదరంగం చరిత్రలో మరో మైలురాయి నమోదైంది. మధ్యప్రదేశ్‌కు చెందిన 22ఏళ్ల కుర్రాడు అనుజ్ శ్రీవత్రి భారత 100వ చెస్ గ్రాండ్‌మాస్టర్(GM)గా అవతరించి రికార్డు సృష్టించాడు. ఫిలిప్పీన్స్‌లో వైభవంగా ముగిసిన '7వ ఏషియన్ ప్లస్ ఇండివిడ్యువల్ ఓపెన్ చెస్ ఛాంపియన్‌షిప్'లో విజేతగా నిలవడం ద్వారా ఆయన ఈ చారిత్రక ఘనతను చేజిక్కించుకున్నాడు. ఈ అద్భుత విజయంతో మధ్యప్రదేశ్ రాష్ట్రం నుంచి గ్రాండ్‌మాస్టర్ హోదా పొందిన తొలి క్రీడాకారుడిగా కూడా అనుజ్ రికార్డులో నిలిచాడు.

ఇరాన్‌పై మళ్లీ దాడి చేస్తారా? ఇంటర్వ్యూలో ప్రశ్నకు ట్రంప్ సమాధానమిదే!InternationalSwechaa09 Nov 2026, 10:49 AM

ఇరాన్‌పై మళ్లీ దాడి చేస్తారా? ఇంటర్వ్యూలో ప్రశ్నకు ట్రంప్ సమాధానమిదే!

 అమెరికా అధ్యక్షుడు డొనాల్డ్ ట్రంప్ ఇరాన్‌తో నెలకొన్న సైనిక ఉద్రిక్తతలపై సంచలన వ్యాఖ్యలు చేశారు. ఇరాన్‌పై కొత్తగా దాడులు చేయాల్సిన అవసరం వచ్చే అవకాశాలు చాలా తక్కువని ఆయన అభిప్రాయపడ్డారు. పశ్చిమాసియా ప్రాంతంలో అణు కార్యక్రమం నియంత్రణ, కీలకమైన హర్మూజ్ జలసంధి పునఃప్రారంభం వంటి అంశాలపై జరిపే దౌత్యపరమైన చర్చలు సానుకూలంగా సాగితే అమెరికా వైపు నుంచి మళ్లీ సైనిక చర్యలు ఉండకపోవచ్చని స్పష్టం చేశారు. అయితే, ఒకవేళ తమతో బలమైన ఒప్పందానికి ఇరాన్ ససేమిరా అంగీకరించకపోతే మాత్రం మరోసారి సైనిక దాడులకు వెనుకాడేది లేదని స్పష్టమైన హెచ్చరికలు జారీ చేశారు.

నా భార్యకు నమ్మక ద్రోహం చేశా.. క్షమించండి: సీఈవో ఆవేదనInternationalSwechaa09 Nov 2026, 10:24 AM

నా భార్యకు నమ్మక ద్రోహం చేశా.. క్షమించండి: సీఈవో ఆవేదన

 ప్రపంచంలోనే అత్యంత ప్రతిష్టాత్మకమైన ఆర్టిఫిషియల్ ఇంటెలిజెన్స్ (AI) చిప్‌ల తయారీ సంస్థ 'ఎన్విడియా' (NVIDIA) సహ-వ్యవస్థాపకుడు, సీఈఓ జెన్సన్ హువాంగ్ (Jensen Huang) తన వ్యక్తిగత జీవితానికి సంబంధించి రాసిన ఒక భావోద్వేగ లేఖ అంతర్జాతీయంగా తీవ్ర సంచలనం సృష్టిస్తోంది. తాను 41 ఏళ్లుగా వివాహ బంధంలో ఉన్న భార్యకు నమ్మకద్రోహం చేశానని, వేరొక మహిళతో వివాహేతర సంబంధం కలిగి ఉన్నాననే విషయాన్ని ఆయన బహిరంగంగా అంగీకరించారు. ఈ మేరకు సంస్థలోని ఉద్యోగులకు, బోర్డు డైరెక్టర్లకు ఒక అంతర్గత ఇమెయిల్ పంపుతూ, తన తప్పులకు గాను కుటుంబానికి, భాగస్వాములకు తీవ్ర ఆవేదనతో క్షమాపణలు తెలియజేశారు.

ఇందిరమ్మ ప్రచారం అట్టర్ ప్లాప్.. బిల్లులు రాలేదని ఆగ్రహంతెలంగాణSwechaa09 Nov 2026, 10:13 AM

ఇందిరమ్మ ప్రచారం అట్టర్ ప్లాప్.. బిల్లులు రాలేదని ఆగ్రహం

సీఎం రేవంత్ ప్రభుత్వం రాష్ట్రంలో ప్రతిష్టాత్మకంగా అమలు చేస్తున్న ఇందిరమ్మ ఇండ్లు స్కీం మీద తీవ్ర విమర్శలు వెల్లువెత్తుతున్నాయి. మొదట్లో ఇందిరమ్మ ఇండ్లు పేదలకు ఇస్తామని ప్రకటించిన సర్కార్.. ఆ తర్వాత జాగా ఉన్నవారికే కేటాయిస్తామని కొర్రీలు పెట్టింది. అయితే, ఇందిరమ్మ ఇంటికి రూ.5 ఇస్తున్న ప్రభుత్వం.. అది కూడా ఒక్కసారిగా ఇవ్వడం లేదు. ముందు లబ్దిదారులు తమ సొంత పైసలతో ఇంటి నిర్మాణం ప్రారంభించాక.. విడతల వారీగా వారి ఖాతాల్లో జమ చేస్తోంది. ఇదిలాఉండగా, నిన్న దీపావళి పండుగ సందర్భంగా ‘మా ఇందిరమ్మ ఇంట్లో దీపావళి’పేరిట ప్రభుత్వం కొత్త ప్రచారానికి తెరలేపింది. ఇందిరమ్మ ఇండ్ల నిర్మాణం పూర్తయి అందులో ఉంటున్న లబ్దిదారులతో కలిసి ప్రభుత్వం ప్రచారానికి శ్రీకారం చుట్టింది. అయితే, సర్కారు భావించినంతగా ఈ ప్రచారం విజయవంతం కాలేదని తెలుస్తోంది. ఎందుకంటే చాలా చోట్ల నిర్మాణాలు ఇంకా పూర్తి కాలేదు. కొన్ని మాత్రమే తుది దశకు చేరుకోగా.. మరికొన్నింటిలో మాత్రమే ప్రజలు గృహప్రవేశం చేసి ఇళ్లల్లోకి వచ్చారు.

బంగాళాఖాతంలో మరో అల్పపీడనం.. తెలుగు రాష్ట్రాలకు వర్ష సూచన!తెలంగాణSwechaa09 Nov 2026, 09:48 AM

బంగాళాఖాతంలో మరో అల్పపీడనం.. తెలుగు రాష్ట్రాలకు వర్ష సూచన!

 బంగాళాఖాతంలో కొత్తగా మరో అల్పపీడనం ఏర్పడే అవకాశాలు ఉన్నట్లు భారత వాతావరణ శాఖ (IMD) వెల్లడించింది. ఆగ్నేయ బంగాళాఖాతంలో ప్రస్తుతం కొనసాగుతున్న ఉపరితల ఆవర్తనం తీవ్రతరమై నవంబర్ 13 నాటికి అల్పపీడనంగా మారనుందని వాతావరణ నిపుణులు అంచనా వేస్తున్నారు. దీని ప్రభావంతో ఆంధ్రప్రదేశ్, తెలంగాణ రాష్ట్రాలతో పాటు యానాం ప్రాంతంలో తేలికపాటి నుంచి మోస్తరు వర్షాలు లేదా ఉరుములతో కూడిన జల్లులు పడే అవకాశం ఉందని ఐఎండీ హైదరాబాద్, అమరావతి కేంద్రాలు స్పష్టం చేశాయి.

దీపావళి వేళ హైదరాబాద్‌లో అపశృతి.. బాణసంచా కాలుస్తూ 67మందికి గాయాలు!తెలంగాణSwechaa09 Nov 2026, 09:42 AM

దీపావళి వేళ హైదరాబాద్‌లో అపశృతి.. బాణసంచా కాలుస్తూ 67మందికి గాయాలు!

 హైదరాబాద్‌లో దీపావళి వేడుకల్లో పలు చోట్ల అపశ్రుతులు చోటుచేసుకున్నాయి. పండుగ సంబరాల్లో భాగంగా బాణసంచా కాల్చే క్రమంలో ప్రమాదాలు జరిగి నగరవ్యాప్తంగా మొత్తం 67మంది తీవ్రంగా గాయపడ్డారు. ముఖ్యంగా టపాసులు పేలే సమయంలో ఎగిరిపడిన నిప్పురవ్వలు, రసాయనాలు పడటంతో పలువురి కళ్లకు తీవ్ర గాయాలయ్యాయి. బాధితుల్లో చిన్నపిల్లల నుంచి పెద్దల వరకు ఉండటం నగర ప్రజలను తీవ్ర ఆందోళనకు గురిచేసింది. గాయపడిన వారంతా నగరంలోని పలు ప్రభుత్వ, ప్రైవేట్ కంటి ఆసుపత్రులకు వైద్య చికిత్స కోసం తరలివచ్చారు.

నేడు కొడంగల్‌లో సీఎం రేవంత్ రెడ్డి బిజీ షెడ్యూల్తెలంగాణSwechaa09 Nov 2026, 09:37 AM

నేడు కొడంగల్‌లో సీఎం రేవంత్ రెడ్డి బిజీ షెడ్యూల్

సీఎం రేవంత్ రెడ్డి తన సొంత నియోజకవర్గం కొడంగల్‌లో పర్యటిస్తున్న విషయం తెలిసిందే. గత రెండ్రోజులుగా ఆయన అక్కడే పలు అభివృద్ది పనులకు శ్రీకారం చుట్టారు. నిన్న దీపావళి పండుగతో పాటు సీఎం పుట్టిన రోజు కావడంతో నియోజకవర్గంలో సెలబ్రేషన్స్ అంబరాన్ని అంటాయి. నేటితో సీఎం రేవంత్ కొడంగల్ పర్యటన ముగియనుంది. కొడంగల్‌ నియోజకవర్గ అభివృద్ధే లక్ష్యంగా సీఎం పలు కీలక అభివృద్ధి పనులకు శ్రీకారం చుడుతున్నారు. చివరి రోజు పర్యటనలో భాగంగా పారిశ్రామిక రంగ విస్తరణ, రవాణా మౌలిక వసతుల బలోపేతమే లక్ష్యంగా చేపడుతున్న ప్రాజెక్టులకు ప్రాధాన్యత ఇవ్వనున్నారు. లగచర్లలో ఆయిల్‌పామ్‌ పరిశ్రమకు సోమవారం శంకుస్థాపన చేయనున్నారు. కోస్గి మండలం నాచారం వద్ద రేడియల్‌ రోడ్డు-2 పనుల ప్రారంభంలోనూ పాల్గొననున్నారు.

చరిత్రలో ఈ రోజు (09 నవంబర్)InternationalSwechaa09 Nov 2026, 09:02 AM

చరిత్రలో ఈ రోజు (09 నవంబర్)

  • 1989: ప్రఖ్యాత 'బెర్లిన్ గోడ' (Berlin Wall) కూల్చివేయబడింది — ఇది శీతల యుద్ధం (Cold War) అంతానికి, తూర్పు, పశ్చిమ జర్మనీల ఏకీకరణకు దారితీసింది.

  • 1994: జర్మన్ రసాయన శాస్త్రవేత్తలు 'డార్మ్‌స్టాడియం' (Darmstadtium - మూలకం 110)ను మొదటిసారిగా కృత్రిమంగా సృష్టించారు.

  • 1877: ఆధునిక భారతీయ తత్వవేత్త, కవి మహర్షి అరబిందో (Sri Aurobindo) జననం.

  • జాతీయ న్యాయ సేవల దినోత్సవం

  • 1989: దశాబ్దాల పాటు జర్మనీ విభజనకు ప్రతీకగా నిలిచిన బెర్లిన్ గోడ పడగొట్టబడడంతో ప్రజలు సంబరాలు చేసుకున్నారు.

  • 1938: నాజీ జర్మనీలో యూదులపై భీకర దాడి జరిగిన 'క్రిస్టల్‌నాచ్' (Kristallnacht / రాత్రి పగిలిన గాజులు) హింసాకాండ ప్రారంభమైంది.

  • 2005: యూరోపియన్ అంతరిక్ష సంస్థ (ESA) శుక్ర గ్రహ పరిశోధనల కోసం 'వీనస్ ఎక్స్‌ప్రెస్' (Venus Express) నౌకను ప్రయోగించింది.

  • 2005: శుక్రుని వాతావరణాన్ని అధ్యయనం చేయడానికి యూరప్ తొలిసారిగా పంపిన 'వీనస్ ఎక్స్‌ప్రెస్' విజయవంతంగా నింగిలోకి దూసుకెళ్లింది.

  • 1967: అమెరికా అంతరిక్ష పరిశోధనా సంస్థ నాసా అపోలో కార్యక్రమం కింద చంద్రునిపైకి మానవులను పంపే ప్రయోగాలకు పునాదిగా అపోలో 4 (Apollo 4) రాకెట్‌ను విజయవంతంగా పరీక్షించింది.

  • 1877 (జననం): శ్రీ అరబిందో (Maharshi Aurobindo) — భారతీయ తత్వవేత్త, యోగి, స్వాతంత్ర్య సమరయోధుడు.

  • 1934 (జననం): కార్ల్ సాగన్ — ప్రముఖ అమెరికన్ ఖగోళ శాస్త్రవేత్త, సైన్స్ కమ్యూనికేటర్.

  • 1924 (మరణం): లూయీస్ క్యారట్ (Louis Charet)

  • 2011 (మరణం): హర్ గోవింద్ ఖొరానా, ప్రఖ్యాత జీవ శాస్త్రజ్ఞుడు

నేటి పంచాంగం - 09 నవంబర్ 2026 | కార్తిక అమావాస్య, సోమవారం శుభ సమయాలు & వివరాలుSpiritualitySwechaa09 Nov 2026, 08:42 AM

నేటి పంచాంగం - 09 నవంబర్ 2026 | కార్తిక అమావాస్య, సోమవారం శుభ సమయాలు & వివరాలు

  • తేదీ: 09 నవంబరు 2026, సోమవారం

  • సంవత్సరం: శ్రీ పరాభవ నామ సంవత్సరం

  • అయనం & ఋతువు: దక్షిణాయనం, శరత్ఋతువు

  • మాసం & పక్షం: కార్తిక మాసం, కృష్ణ పక్షం

  • తిథి: అమావాస్య (రాత్రి 08:32 వరకు, తదుపరి కార్తిక శుద్ధ పాడ్యమి)

  • వారం: సోమవారం (ఇందువాసరే)

  • నక్షత్రం: విశాఖ (మధ్యాహ్నం 02:15 వరకు, తదుపరి అనూరాధ)

  • యోగం: సౌభాగ్య (ఉదయం 09:15 వరకు, తదుపరి శోభన)

  • కరణం: చతుష్పాత్ (ఉదయం 09:42 వరకు), తదుపరి నాగవ (రాత్రి 08:32 వరకు)

శుభ / అశుభ సమయాలు:

  • రాహుకాలం: ఉదయం 07:42 - 09:08 వరకు

  • యమగండం: ఉదయం 10:34 - మధ్యాహ్నం 12:00 వరకు

  • అమృతకాలం: రాత్రి 11:15 - 12:48 వరకు

  • దుర్ముహూర్తము: మధ్యాహ్నం 12:21 - 01:07 వరకు మరియు మధ్యాహ్నం 02:38 - 03:24 వరకు

  • వర్జ్యం: మధ్యాహ్నం 03:22 - 04:55 వరకు

గ్రహస్థితులు:

  • సూర్యరాశి: తుల

  • చంద్రరాశి: తుల (మధ్యాహ్నం 01:20 వరకు), తదుపరి వృశ్చికం

  • సూర్యోదయం: ఉదయం 06:21

  • సూర్యాస్తమయం: సాయంత్రం 05:37

రాజకీయం కాదు.. మనోగతం! సంచలనంగా సోనియా పుస్తకంNationalSwechaa08 Nov 2026, 11:16 PM

రాజకీయం కాదు.. మనోగతం! సంచలనంగా సోనియా పుస్తకం

ఎన్నో అనుభవాల మధ్య జీవితాన్ని సాగించిన సోనియా గాంధీ.. ఇప్పుడు తన మనసులోని మాటలను పుస్తక రూపంలో ప్రపంచానికి చెప్పబోతున్నారు. ఆ పుస్తకం పేరు బిలాంగింగ్ ఏ జర్నీ ఆఫ్ లవ్. ఈనెల 10న ఆ పుస్తకం విడుదల కానుంది. ఆ పుస్తకం ద్వారా సోనియా ఏం చెప్పబోతున్నారు..?

Ramayana: సీత పాత్ర విషయంలో సాయి పల్లవికి స్టార్స్ సపోర్ట్..సినిమాSwechaa08 Nov 2026, 10:57 PM

Ramayana: సీత పాత్ర విషయంలో సాయి పల్లవికి స్టార్స్ సపోర్ట్..

Ramayana: సినిమా ఇండస్ట్రీలో కొన్ని పాత్రలు దక్కడం, చేయడం ఎంత అదృష్టమో.. వాటిని ప్రేక్షకులు అంగీకరించేలా నటించడం అంతకంటే పెద్ద కష్టం. ముఖ్యంగా, రామాయణం లాంటి ఇతిహాసంలో సీత పాత్ర పోషించడం అంటే చిన్న విషయం కాదు. అలాంటి అరుదైన అవకాశం సాయి పల్లవికి దక్కింది. అయితే, రామాయణలో సీతగా ఆమె ఎంపికైనప్పటి నుంచి కొందరు అదేపనిగా విమర్శలు చేస్తూనే ఉన్నారు. ఆమె లుక్స్, రూపం, కాస్ట్యూంస్ పరంగా సోషల్ మీడియాలో చర్చ జరిగింది.

Sonu Sood: దివాళీ వేళ దేవుడిలా ఆదుకున్న సోనూసూద్.. చిన్నారికి కొత్త జీవితం!సినిమాSwechaa08 Nov 2026, 10:29 PM

Sonu Sood: దివాళీ వేళ దేవుడిలా ఆదుకున్న సోనూసూద్.. చిన్నారికి కొత్త జీవితం!

కష్టాల్లో ఉన్నవారికి నేనున్నానంటూ ముందుకొచ్చి భరోసా కల్పించడంలో నటుడు సోనూసూద్ ఎప్పుడూ ముందుంటారు. తాజాగా దీపావళి పర్వదినం వేళ మరో నిరుపేద కుటుంబానికి అండగా నిలిచి దేవుడిలా ఆదుకున్నారు. తీవ్ర గుండె సమస్యతో కొట్టుమిట్టాడుతున్న ఏడాది చిన్నారికి అత్యంత సంక్లిష్టమైన శస్త్రచికిత్స చేయించి పునర్జన్మనిచ్చారు.

Apple Business Strategy: కస్టమర్లను పిండేస్తున్న యాపిల్.. ఐఫోన్ 18 ప్రోపై బయటపడ్డ దారుణ దోపిడీ!NationalSwechaa08 Nov 2026, 09:59 PM

Apple Business Strategy: కస్టమర్లను పిండేస్తున్న యాపిల్.. ఐఫోన్ 18 ప్రోపై బయటపడ్డ దారుణ దోపిడీ!

Apple Business Strategy: ప్రీమియం బ్రాండ్.. స్టేటస్ సింబల్.. ఈ రెండు మాటల మాటున ప్రముఖ టెక్ దిగ్గజం యాపిల్ చేస్తున్న వ్యాపార మాయాజాలం మరోసారి బట్టబయలైంది. లేటెస్ట్ ఫీచర్లు, కెమెరా క్వాలిటీ పేరుతో ఇప్పటికే లక్షల్లో ధరలు నిర్ణయిస్తున్న కంపెనీ.. ఇప్పుడు కేవలం 'స్టోరేజ్ అప్‌గ్రేడ్' పేరుతో కస్టమర్ల జేబులను ఏ విధంగా గుల్ల చేస్తోందో విస్తుపోయే నిజాలు వెలుగులోకి వచ్చాయి. తాజాగా మార్కెట్లోకి వచ్చిన ఐఫోన్ 18 ప్రో మోడళ్లలో అదనపు మెమరీ కోసం అయ్యే హార్డ్‌వేర్ ఖర్చుకు, కస్టమర్ల నుంచి వసూలు చేస్తున్న ప్రీమియానికి అసలు పొంతనే లేదని ప్రముఖ అంతర్జాతీయ పత్రిక ‘ది వాల్ స్ట్రీట్ జర్నల్’ తన పరిశోధనాత్మక కథనంలో కుండబద్దలు కొట్టింది.వాల్ స్ట్రీట్ జర్నల్ నివేదిక బయటపెట్టిన లెక్కలు చూస్తే యూజర్స్ నిలువునా మోసపోతున్నారన్న విషయం స్పష్టమవుతోంది. ఐఫోన్ 18 ప్రోలో 256GB నుంచి 1TB స్టోరేజ్‌కు పెంచడానికి కంపెనీకి అయ్యే ఖర్చు కేవలం 192 డాలర్లు (మన కరెన్సీలో సుమారు రూ.18 వేలు). కానీ, అదే 1TB వేరియంట్ కావాలంటే కస్టమర్ నుంచి అదనంగా లాగుతున్న మొత్తం ఏకంగా 600 డాలర్లు (దాదాపు రూ.56 వేలు). అంటే ఒక్క 1TB అప్‌గ్రేడ్‌పైనే సుమారు రూ.38 వేలకు పైగా నికర లాభాన్ని యాపిల్ తన ఖాతాలో వేసుకుంటోంది.

US Iran War: అమెరికా - ఇరాన్ మధ్య చైనా రాయబారం.. యుద్ధం ముగిసేనా?InternationalSwechaa08 Nov 2026, 09:32 PM

US Iran War: అమెరికా - ఇరాన్ మధ్య చైనా రాయబారం.. యుద్ధం ముగిసేనా?

US Iran War: పశ్చిమాసియాను అతలాకుతలం చేస్తున్న యుద్ధాన్ని ముగించేందుకు ప్రపంచ అగ్రరాజ్యాల మధ్య ఊహించని సరికొత్త దౌత్య సమీకరణాలు తెరపైకి వచ్చాయి. సాధారణంగా వాణిజ్యం, ఆధిపత్య పోరులో అమెరికాకు బద్ధ శత్రువుగా కనిపించే చైనా.. ఇప్పుడు ఇరాన్ సంక్షోభాన్ని పరిష్కరించే కీలక రాయబారిగా మారడం అంతర్జాతీయంగా సంచలనం సృష్టిస్తోంది. ఇరాన్‌ను చర్చల వైపు నడిపించడానికి బీజింగ్ తనకున్న పలుకుబడిని ఉపయోగించాలని అమెరికా అధ్యక్షుడు డొనాల్డ్ ట్రంప్ స్వయంగా చైనా అధినేత షీ జిన్‌పింగ్‌ను కోరినట్లు 'వాషింగ్టన్ పోస్ట్' వెల్లడించిన కథనం ప్రపంచ దేశాల దృష్టిని ఆకర్షిస్తోంది.యుద్ధాన్ని కేవలం సైనిక బలంతో కాకుండా, ఇరాన్‌కు సన్నిహితంగా ఉండే దేశాల ద్వారా ఒత్తిడి తెచ్చి ముగించాలన్నది వాషింగ్టన్ వ్యూహంగా కనిపిస్తోంది. ఈ నేపథ్యంలోనే అమెరికా ట్రెజరీ కార్యదర్శి స్కాట్ బెసెంట్ బీజింగ్‌తో ముమ్మర సంప్రదింపులు జరిపారు.

TG: సర్కారు బడులకు ఎసరు.. టీపీఎస్ పేరుతో వేలాది పాఠశాలల విలీనం!తెలంగాణSwechaa08 Nov 2026, 09:27 PM

TG: సర్కారు బడులకు ఎసరు.. టీపీఎస్ పేరుతో వేలాది పాఠశాలల విలీనం!

TG: రాష్ట్రంలో ప్రభుత్వ పాఠశాలల ఉనికిని ప్రశ్నార్థకం చేసేలా విద్యాశాఖ తీసుకున్న తాజా నిర్ణయం తీవ్ర దుమారం రేపుతోంది. తెలంగాణ వ్యాప్తంగా ఉన్న 26 వేల బడులను 4 వేలకు కుదిస్తామంటూ సీఎం రేవంత్ రెడ్డి గతంలో చెప్పిన మాటల దిశగానే ప్రభుత్వం అడుగులు వేస్తోంది. తెలంగాణ పబ్లిక్ స్కూల్స్ (టీపీఎస్) పేరుతో సర్కారు బడులను విలీనం చేసి, పరోక్షంగా వేలాది పాఠశాలలకు తాళాలు వేసే కుట్ర జరుగుతోందన్న ఆందోళన ఉపాధ్యాయ, ప్రజా సంఘాల్లో వ్యక్తమవుతోంది.ప్రభుత్వం కొత్తగా 134 తెలంగాణ పబ్లిక్ స్కూళ్లను మంజూరు చేస్తూ, 2027-28 నాటికి వాటిని అందుబాటులోకి తీసుకురావాలని నిర్ణయించింది. అయితే కేవలం కొత్త భవనాలు నిర్మించడంతో ఆగకుండా.. ఈ టీపీఎస్‌లకు సమీపంలో ఉన్న మండల పరిషత్, జిల్లా పరిషత్ స్కూళ్లు, మోడల్ స్కూళ్లు, కేజీబీవీలు, సోషల్ వెల్ఫేర్ రెసిడెన్షియల్ గురుకులాలు, జూనియర్ కాలేజీలను సైతం అందులో విలీనం చేయాలని పాఠశాల విద్యాశాఖ డైరెక్టర్ నవీన్ నికోలస్ స్పష్టమైన ఆదేశాలు జారీ చేశారు.

Oral Health: షుగర్ ఉంటే పళ్లు ఊడిపోతాయా? అసలు నిజం ఇదే!HealthSwechaa08 Nov 2026, 07:44 PM

Oral Health: షుగర్ ఉంటే పళ్లు ఊడిపోతాయా? అసలు నిజం ఇదే!

డయాబెటిస్ అనగానే చాలామందికి గుర్తొచ్చేవి గుండె జబ్బులు, కిడ్నీ ఫెయిల్యూర్స్, కంటి చూపు మందగించడం మాత్రమే. కానీ, సైలెంట్ కిల్లర్‌లా మారే ఈ వ్యాధి దంతాలను, దవడ ఎముకలను లోపల నుంచే పిండిపిండి చేస్తుందన్న చేదు నిజాన్ని చాలామంది గ్రహించలేకపోతున్నారు. రక్తంలో షుగర్ లెవల్స్ పెరిగితే చిగుళ్ల ఇన్ఫెక్షన్లు పెరిగి, చివరికి పళ్లు వదులై రాలిపోయే ప్రమాదం ఉంది.