స్వేచ్ఛ షార్ట్స్ — తాజా తెలుగు వార్తలు

ఇక AI క్వశ్చన్ పేపర్స్.. లీకేజీలకు నీలేకని చెక్!NationalSwechaa14 Oct 2026, 12:07 AM

ఇక AI క్వశ్చన్ పేపర్స్.. లీకేజీలకు నీలేకని చెక్!

పరీక్ష జరిగే రోజే ప్రశ్నపత్రం సిద్ధం చేస్తే..? పేపర్ లీక్ చేసే అవకాశం తగ్గుతుందా? భారీ క్వశ్చన్ బ్యాంక్ నుంచి చివరి నిమిషంలో ప్రశ్నలను ఎంపిక చేసే విధానంతో పరీక్షల నిర్వహణలో కొత్త అధ్యాయం మొదలవుతుందా? నందన్ నీలేకని వ్యాఖ్యలు ఇప్పుడు విద్యా రంగంలో ఆసక్తికర చర్చకు తెరలేపుతున్నాయి.

విజయ్‌కు ఎన్డీయే గాలం వేస్తోందా..? చంద్రబాబు ఆతిథ్యం వెనుక రాజకీయ లెక్కలేంటి?NationalSwechaa13 Oct 2026, 11:16 PM

విజయ్‌కు ఎన్డీయే గాలం వేస్తోందా..? చంద్రబాబు ఆతిథ్యం వెనుక రాజకీయ లెక్కలేంటి?

విజయవాడ ఉత్సవ్‌లో విజయ్‌ పాల్గొనడం, చంద్రబాబుతో భేటీ కావడం, నదుల అనుసంధానంపై చర్చించడం.. ఇవన్నీ అధికారికంగా తెలిసిన విషయాలే. కానీ ఈ పరిణామాల మధ్య మరో ఆసక్తికరమైన ప్రశ్న తెరపైకి వస్తోంది. విజయ్‌ను ఎన్డీయేకు దగ్గర చేసుకునే ప్రయత్నాలు ఏమైనా జరుగుతున్నాయా?

Yasangi crops : యాసంగి పంట వద్దంటున్న రేవంత్.. రైతుల పరిస్థితి ఏంటి?తెలంగాణSwechaa13 Oct 2026, 10:00 PM

Yasangi crops : యాసంగి పంట వద్దంటున్న రేవంత్.. రైతుల పరిస్థితి ఏంటి?

తెలంగాణ పల్లెల్లో ఇప్పుడు ఎవరి నోట విన్నా ఒకటే మాట.. "యాసంగిలో పంటలే వద్దంటే మేమెట్లా బతకాలి?". సాధారణంగా ఈ సమయానికి రైతులు నాగళ్లు భుజాన వేసుకుని, పొలాలను దున్ని విత్తనాలు చల్లడానికి రెడీ అవుతుంటారు. కానీ ఉన్నట్టుండి సర్కారు నుంచి వచ్చిన ఆదేశాలు అన్నదాత కాళ్ల కింద భూమిని కదిలించేశాయి. రాష్ట్రంలో ఎల్‌నినో ప్రభావం వల్ల వర్షాలు పడలేదు, ప్రాజెక్టుల్లో నీళ్లు లేవు, భూగర్భ జలాలు పాతాళానికి పోయాయి కాబట్టి ఈసారి యాసంగి సాగుకు దూరంగా ఉండాలని సీఎం రేవంత్ రెడ్డి స్వయంగా రైతులకు పిలుపునిచ్చారు. సాగు చేస్తే తాగునీటికి, కరెంటుకు కూడా తీవ్ర కటకట ఏర్పడుతుందని అధికారులు తేల్చేశారు. పరిస్థితి ఇంతవరకు నిజమే కావొచ్చు.. కానీ పంట వేయకపోతే మా బతుకులు ఏమైపోవాలనేదే ఇప్పుడు క్షేత్రస్థాయిలో రైతులు వేస్తున్న సూటి ప్రశ్న.

Ramlila Maidan : రామ్ లీలాలో నిరసనలు కష్టమే.. ప్లాన్ ప్రకారమే సెలెక్ట్ చేశారా?తెలంగాణSwechaa13 Oct 2026, 09:12 PM

Ramlila Maidan : రామ్ లీలాలో నిరసనలు కష్టమే.. ప్లాన్ ప్రకారమే సెలెక్ట్ చేశారా?

దేశ వ్యాప్తంగా సీఈసీ జ్ఞానేశ్ కుమార్‌కు వ్యతిరేకంగా ఉద్యమాలు జరుగుతున్న సమయంలో కేంద్రం ప్రభుత్వం తీసుకున్న నిర్ణయం తీవ్ర విమర్శలకు దారి తీస్తోంది. జంతర్ మంతర్‌ కు నిరసన వేదిక హోదాను రద్దు చేస్తూ ఢిల్లీ పోలీసులు మూడు స్థానాలను సూచించిన విషయం తెలిసిందే. అయితే వీటిలో రామ్ లీలా మైదాన్ కు మంచి క్రేజ్ ఉంటుంది. అక్కడ జరిగే ఏ ప్రోగ్రామ్ అయినా దేశ వ్యాప్తంగా చర్చ జరుగుతుంది. కానీ ఇక్కడ నిరసన చేయడం అంత తేలిక కాదని తేలిపోతున్నది. ఎందుకంటే ఇక్కడ నిరసన చేయాలంటే ఒక రోజుకు రూ.1.21 లక్షలు కట్టాల్సిందే.

ఎమ్మెల్సీ బల్మూర్ వెంకట్ భూకబ్జా బాగోతం..! వృద్ధాశ్రమం కోసం కొన్న భూమిని ఆక్రమించిన వైనం!తెలంగాణSwechaa13 Oct 2026, 08:02 PM

ఎమ్మెల్సీ బల్మూర్ వెంకట్ భూకబ్జా బాగోతం..! వృద్ధాశ్రమం కోసం కొన్న భూమిని ఆక్రమించిన వైనం!

Land Grab: కాంగ్రెస్ ఎమ్మెల్సీ బల్మూర్ వెంకట్ వివాదంలో చిక్కుకున్నారు. ఆయన భూకబ్జా బాగోతం వెలుగులోకి వచ్చింది. వృద్ధాశ్రమం కోసం కొన్న భూమిని బల్మూర్ వెంకట్ ఆక్రమించిన వైనం బట్టబయలైంది. మేడ్చల్ జిల్లా బౌరంపేట్ గ్రామ పరిధిలోని 259/P సర్వే నెంబర్‌లో గల 3.35 ఎకరాల భూమిని బల్మూర్ వెంకట్ కబ్జా చేసినట్లు ఆరోపణలు వెల్లువెత్తాయి.

వృద్ధులకు ఆశ్రయం కల్పించాలనే మంచి ఉద్దేశంతో వృద్ధాశ్రమం కోసం పీపుల్స్ ప్రోగ్రెసివ్ ట్రస్ట్ ఈ భూమిని కొనుగోలు చేసింది. ఆ భూమిని బల్మూర్ వెంకట్ కబ్జా చేసినట్లు చెబుతున్నారు. ఈ విషయం తెలిసిన సీపీఎం నాయకులు రంగంలోకి దిగారు. ట్రస్ట్‌కు మద్దతుగా నిలిచారు. భూ కబ్జాను అడ్డుకునే ప్రయత్నం చేశారు. వుయ్ వాంట్ జస్టిస్ అంటూ పెద్దఎత్తున నినాదాలు చేశారు. భూమిని కబ్జా చేసుకుని ఏర్పాటు చేసిన రేకులను తొలగించే ప్రయత్నం చేశారు. ఈ క్రమంలో ఎమ్మెల్సీ అనుచరులు సీపీఎం నేతలతో వాగ్వాదానికి దిగారు. ఇరువర్గాల మధ్య తోపులాట జరిగింది.

Telangana Congress : గవర్నర్ కోటా ఎమ్మెల్సీల వేట.. ఆ 3 సీట్లు ఎవరికి?తెలంగాణSwechaa13 Oct 2026, 07:58 PM

Telangana Congress : గవర్నర్ కోటా ఎమ్మెల్సీల వేట.. ఆ 3 సీట్లు ఎవరికి?

తెలంగాణ కాంగ్రెస్‌లో పెద్దల సభ సీట్ల కోసం అంతర్గతంగా తీవ్ర ఉత్కంఠ మొదలైంది. శాసనమండలిలో గవర్నర్ కోటా కింద ఉన్న ముగ్గురు ఎమ్మెల్సీల పదవీకాలం వచ్చే నెలతో ముగియనుండటంతో అధికార పార్టీ నేతలంతా ఈ మూడు ఖాళీలపై కన్నేశారు. ఎన్నికల ఖర్చు, ఓటింగ్ టెన్షన్లు లేకుండా సునాయాసంగా పెద్దల సభలోకి అడుగుపెట్టే అవకాశం ఉండటంతో ఆశావహులంతా గాంధీభవన్, అధిష్టానం చుట్టూ ప్రదక్షిణలు చేస్తున్నారు. అయితే, ఈసారి కేవలం పైరవీలకే కాకుండా పక్కా సామాజిక సమీకరణాలకే ప్రాధాన్యం ఇవ్వాలని ముఖ్యమంత్రి రేవంత్ రెడ్డి, పీసీసీ చీఫ్ మహేష్ కుమార్ గౌడ్ గట్టి పట్టుదలతో ఉండటం పార్టీలో సంచలనం రేపుతోంది.

NIMS : నిమ్స్‌ వెళ్లే వారికి అలర్ట్‌.. పార్కింగ్‌ కోసం వాటినే ఉపయోగించాలితెలంగాణSwechaa13 Oct 2026, 06:54 PM

NIMS : నిమ్స్‌ వెళ్లే వారికి అలర్ట్‌.. పార్కింగ్‌ కోసం వాటినే ఉపయోగించాలి

హైదరాబాద్ లోని ఫేమస్ నిమ్స్ హాస్పిటల్ కు కీలక ప్రకటన చేసింది. నిమ్స్ హాస్పిటల్ లో మూడు నెలల పాటు సీసీ రోడ్ల పనులు దశలవారీగా జరుగుతాయని తెలిపింది. నిమ్స్ ప్రాంగణంలోని పంజాగుట్ట ఎంట్రీ గేట్, ఎగ్జిట్ గేట్, మిలీనియం, ఫిజియోథెరపీ బ్లాక్, డయాలసిస్ వెయిటింగ్ ఏరియా, వెల్‌నెస్ సెంటర్, ఎన్‌పీఆర్‌ బ్లాక్, యూనియన్ బ్యాంక్ వద్ద ఉన్న సిబ్బంది పార్కింగ్ స్థలం, నర్సింగ్ హాస్టల్‌కు వెళ్లే మార్గం, డాక్టర్స్ క్లబ్ ఎదురుగా ఉన్న డాక్టర్ల పార్కింగ్ స్థలం, CSSD ,జనరల్ స్టోర్స్‌కు వెళ్లే మార్గం, పోర్టికో, సాధారణ పార్కింగ్ ప్రాంతాల్లో ఈ పనులు కొనసాగుతాయి.

Fake Discounts: డిస్కౌంట్లతో మైండ్ గేమ్..  పండగ పూట భారీ డిస్కౌంట్లు నిజమేనా?తెలంగాణSwechaa13 Oct 2026, 06:40 PM

Fake Discounts: డిస్కౌంట్లతో మైండ్ గేమ్.. పండగ పూట భారీ డిస్కౌంట్లు నిజమేనా?

పండుగ సీజన్ రాగానే ఈ-కామర్స్ సైట్లు రంగురంగుల బ్యానర్లు, కళ్లు చెదిరే ప్రకటనలతో హోరెత్తిస్తాయి. 70 శాతం డిస్కౌంట్, 80 శాతం తగ్గింపు, డీల్ ఆఫ్ ది డే అంటూ మొబైల్ స్క్రీన్లు నిండిపోతాయి. కానీ నిజంగానే కంపెనీలు అంత భారీగా నష్టపోయి వినియోగదారులకు మేలు చేస్తున్నాయా? లేక మన మానసిక బలహీనతలతో ఆడుకుని జేబులు ఖాళీ చేయిస్తున్నాయా? ఈ పండుగ ఆఫర్ల వెనుక సాగుతున్న 'మైండ్ గేమ్'ను లోతుగా పరిశీలిస్తే విస్తుపోయే నిజాలు బయటపడుతున్నాయి.

Starlink: ఎలాన్ మస్క్ ‘స్టార్‌లింక్’ వెనుక భారత్‌ను కలవరపెడుతున్న బిగ్ థ్రెట్ ఇదేనా!తెలంగాణSwechaa13 Oct 2026, 06:34 PM

Starlink: ఎలాన్ మస్క్ ‘స్టార్‌లింక్’ వెనుక భారత్‌ను కలవరపెడుతున్న బిగ్ థ్రెట్ ఇదేనా!

టెక్నాలజీతో ప్రపంచాన్ని శాసించవచ్చని నిరూపించిన ఎలాన్ మస్క్.. ఇప్పుడు భారతదేశంలో తన శాటిలైట్ ఇంటర్నెట్ ‘స్టార్‌లింక్’ పాగా వేసేందుకు తీవ్రస్థాయిలో పావులు కదుపుతున్నారు. రిలయన్స్ అధినేత ముకేశ్ అంబానీని టార్గెట్ చేస్తూ, ఆయన దేశానికి ప్రధానిలా వ్యవహరిస్తూ తనను అడ్డుకుంటున్నారంటూ మస్క్ సోషల్ మీడియా వేదికగా నిప్పులు చెరిగారు. అయితే, పైకి ఇది ఇద్దరు బిలియనీర్ల మధ్య వ్యాపార పోరులా కనిపిస్తున్నప్పటికీ.. తెరవెనుక దేశ సార్వభౌమత్వానికే ముప్పు తెచ్చే పరిణామాలు దాగి ఉన్నాయన్నది నిఘా వర్గాల విశ్లేషణ. అంతరిక్షంలో ఇప్పటికే 10 వేలకు పైగా ఉపగ్రహాలతో మూడింట రెండు వంతుల కక్ష్యను గుప్పిట్లో పెట్టుకున్న ఒక ప్రైవేట్ వ్యక్తి చేతికి భారత సమాచార వ్యవస్థను అప్పగిస్తే ఏం జరుగుతుందో తెలుసుకుందాం.

సీఎం రేవంత్, మంత్రి పొంగులేటి భూములపై విచారణ చేయాలితెలంగాణSwechaa13 Oct 2026, 06:19 PM

సీఎం రేవంత్, మంత్రి పొంగులేటి భూములపై విచారణ చేయాలి

BRS: కాంగ్రెస్ నేతలు, వారి కుటుంబసభ్యుల భూములపై విచారణ జరపాలని బీఆర్ఎస్ నేత ఆర్ఎస్ ప్రవీణ్ కుమార్ డిమాండ్ చేశారు. భూములపై విచారణ జరిపేందుకు వేసిన కమిటీలో రేవంత్ రెడ్డి, పొంగులేటి శ్రీనివాస్ రెడ్డి, కాంగ్రెస్ నాయకుల భూముల గురించి విచారణ జరపాలన్నారు. ఈ మేరకు తెలంగాణ చీఫ్ సెక్రటరీ సంజయ్ జాజుకు లేఖ రాశారు ఆర్ఎస్ ప్రవీణ్ కుమార్. కాంగ్రెస్ నాయకుల ఆస్తుల వివరాలకు సంబంధించిన ఆధారాలను సైతం లేఖకు జత చేశారు.

ప్రభుత్వాన్ని ప్రశ్నిస్తున్నామనే కక్షతో

తెలంగాణ భవన్‌లో మీడియాతో మాట్లాడారు ఆర్‌ఎస్ ప్రవీణ్ కుమార్‌. జీవో నెంబర్ 134 రాజ్యాంగానికి, ఆర్టికల్‌ 14కు పూర్తిగా వ్యతిరేకం అని స్పష్టం చేశారు. ఈ దేశంలో అందరికీ సమానత్వపు హక్కు ఉందని తేల్చి చెప్పారు. ఇక్కడ పెట్టిన భూములన్నీ బీఆర్‌ఎస్ నాయకులవే అని చెప్పారు. సమస్యలపై పోరాటం చేస్తున్నామని, ప్రభుత్వాన్ని ప్రశ్నిస్తున్నామనే కక్షతో ఆర్టికల్‌ 14ను ఉల్లంఘించారని ఆర్ఎస్ ప్రవీణ్ కుమార్ ఆరోపించారు.

ఒక్కొక్కరికి రూ.1,53,912.. సింగరేణి కార్మికులకు గుడ్‌న్యూస్..తెలంగాణSwechaa13 Oct 2026, 04:15 PM

ఒక్కొక్కరికి రూ.1,53,912.. సింగరేణి కార్మికులకు గుడ్‌న్యూస్..

Singareni: సింగరేణి కార్మికులకు ప్రభుత్వం శుభవార్త చెప్పింది. లాభాల వాటా ప్రకటించింది. గత ఏడాదిలానే ఈసారి కూడా పర్మినెంట్ ఉద్యోగులకు లాభాల్లో 34శాతం వాటా ఇవ్వనున్నట్లు డిప్యూటీ సీఎం భట్టి విక్రమార్క తెలిపారు. దీంతో ఒక్కో ఉద్యోగికి సగటున రూ.1,53,912 బోనస్ అందనుంది. అటు కాంట్రాక్ట్ కార్మికులకు కూడా గతంలో మాదిరి ఈసారి కూడా 5,500 రూపాయల చొప్పున బోనస్ ఇవ్వాలని ప్రభుత్వం నిర్ణయించింది. ఈ ఏడాది సింగరేణికి రూ.1,754 కోట్ల లాభాలు వచ్చాయి. సింగరేణిలో పర్మినెంట్ కార్మికుల సంఖ్య 38వేలు కాగా కాంట్రాక్ట్ వర్కర్ల సంఖ్య 30వేలు.

Khairatabad Bypoll: ఖైరతాబాద్ ఉపఎన్నిక హీట్.. బీఆర్ఎస్ అభ్యర్థి ఇతనేనా?తెలంగాణSwechaa13 Oct 2026, 03:54 PM

Khairatabad Bypoll: ఖైరతాబాద్ ఉపఎన్నిక హీట్.. బీఆర్ఎస్ అభ్యర్థి ఇతనేనా?

హైదరాబాద్ రాజకీయాల్లో అత్యంత ప్రతిష్టాత్మకమైన ఖైరతాబాద్ అసెంబ్లీ నియోజకవర్గంలో ఉపఎన్నికల నగారా మోగే పరిస్థితులు స్పష్టంగా కనిపిస్తున్నాయి. సిట్టింగ్ ఎమ్మెల్యే దానం నాగేందర్‌పై అనర్హత వేటు పడటంతో ఇక్కడ బై-పోల్ అనివార్యమైంది. దీంతో తమ సిట్టింగ్ స్థానాన్ని ఎలాగైనా నిలబెట్టుకోవాలన్న పట్టుదలతో గులాబీ దళం అప్పుడే మైదానంలోకి దిగింది. ఆశావహుల జాబితా పెద్దదే ఉన్నప్పటికీ.. అధిష్టానం మాత్రం నియోజకవర్గ ఇన్‌చార్జ్ మన్నె గోవర్ధన్ రెడ్డి వైపే పూర్తి మొగ్గు చూపినట్లు వార్తలు రావడం రాజకీయ వర్గాల్లో సంచలనంగా మారింది.

BRS: పోగొట్టుకున్న చోటే బీఆర్ఎస్ వేట.. గులాబీ బాస్ బిగ్ స్కెచ్!తెలంగాణSwechaa13 Oct 2026, 03:44 PM

BRS: పోగొట్టుకున్న చోటే బీఆర్ఎస్ వేట.. గులాబీ బాస్ బిగ్ స్కెచ్!

తెలంగాణలో అధికార పగ్గాలు కోల్పోయిన బీఆర్ఎస్ ఇప్పుడు అసలుసిసలైన ఆత్మపరిశీలనలో పడింది. తాము అధికారం ఎక్కడ కోల్పోయామో గుర్తించిన గులాబీ దళం.. సరిగ్గా అక్కడే మళ్లీ పుంజుకోవడానికి పక్కా కార్యాచరణతో రణరంగంలోకి దిగుతోంది. ప్రత్యేక రాష్ట్ర ఉద్యమ కాలం నుంచి బీఆర్ఎస్‌కు తిరుగులేని కంచుకోటగా నిలిచిన సింగరేణి కోల్ బెల్ట్ ఏరియాలోనే గత అసెంబ్లీ ఎన్నికల్లో కోలుకోలేని దెబ్బ తగిలింది. సుమారు 30కి పైగా అసెంబ్లీ నియోజకవర్గాలు విస్తరించి ఉన్న ఈ బొగ్గు గని ప్రాంతంలో.. కార్ పార్టీ కేవలం ఆసిఫాబాద్ ఒక్క స్థానానికే పరిమితమై దారుణ పరాభవాన్ని మూటగట్టుకుంది. ఈ చేదు నిజాన్ని గుర్తించిన బీఆర్ఎస్ అధిష్టానం, పోగొట్టుకున్న చోటే మళ్లీ పూర్వ వైభవాన్ని వెతుక్కునేందుకు మాస్టర్ ప్లాన్ సిద్ధం చేసింది.

పీఎంయూ కేంద్రీకృత టెండర్లను వెంటనే రద్దు చేయాలి : హరీశ్ రావుతెలంగాణSwechaa13 Oct 2026, 03:20 PM

పీఎంయూ కేంద్రీకృత టెండర్లను వెంటనే రద్దు చేయాలి : హరీశ్ రావు

గురుకులాలు, సంక్షేమ హాస్టళ్లలో సరుకుల సరఫరా కోసం తెచ్చిన అవినీతిమయమైన పీఎంయూ కేంద్రీకృత టెండర్లను వెంటనే రద్దు చేసి పాత పద్ధతిలోనే స్థానిక వెండర్ల ద్వారా ప్రభుత్వ హాస్టళ్లకు సరుకులు సరఫరా చేయాలని మాజీ మంత్రి హరీశ్ రావు డిమాండ్ చేశారు. గతంలో మాదిరిగానే పాఠశాలను ఒక యూనిట్‌గా తీసుకుని, డిస్ట్రిక్ట్ పర్చేస్ కమిటీ (DPC) ద్వారా స్థానిక వెండర్లకే నిత్యావసర సరుకుల సరఫరా బాధ్యతలు అప్పగించాలని కోరారు. పాత విధానాన్ని కొనసాగించడం ద్వారా జీవనోపాధి కోల్పోతున్న వేలమంది చిరు వ్యాపార కుటుంబాల భవిష్యత్తును కాపాడటంతో పాటు, విద్యార్థులకు నాణ్యమైన, తాజా సరుకులు అందుతాయన్నారు. ప్రభుత్వ పెద్దల కమీషన్ల కోసం బ్లాక్‌లిస్ట్ సంస్థకు టెండర్ కట్టబెట్టడం దుర్మార్గమని మండిపడ్డారు. నిబంధనలకు విరుద్ధంగా సబ్ కాంట్రాక్టులు ఇస్తూ జిల్లాకు రూ. 2 కోట్ల చొప్పున రూ. 66 కోట్ల గుడ్‌విల్, బిల్లుల్లో ప్రతినెలా 20 శాతం కమీషన్లు నొక్కేస్తూ పేద విద్యార్థుల కడుపు కొడుతున్నారని ఫైర్ అయ్యారు.

ఎల్‌బీనగర్-హయత్‌నగర్ ఎలివేటెడ్ కారిడార్‌కు కేంద్రం గ్రీన్‌సిగ్నల్తెలంగాణSwechaa13 Oct 2026, 03:05 PM

ఎల్‌బీనగర్-హయత్‌నగర్ ఎలివేటెడ్ కారిడార్‌కు కేంద్రం గ్రీన్‌సిగ్నల్

రాష్ట్రంలో మరో ఎలివేటెడ్ కారిడార్ రాబోతున్నది. ఇప్పటికే జేబీఎస్ నుంచి షామీర్ పేట మార్గంలో ఎలివేడెట్ కారిడార్‌కు తెలంగాణ ప్రభుత్వం శ్రీకారం చుట్టిన విషయం తెలిసిందే. ఇప్పటికే అక్కడ అడ్డుగా ఉన్న భవనాల కూల్చివేత పనులు కొనసాగుతున్నాయి.తాజాగా రోడ్డు భవనాల శాఖ మంత్రి కోమటిరెడ్డి వెంకటరెడ్డి నగరవాసులకు శుభవార్త చెప్పారు. ఎల్‌బీనగర్-హయత్ నగర్ మార్గంలో మరో ఎలివేటెడ్ కారిడార్‌కు కేంద్రం గ్రీన్ సిగ్నల్ ఇచ్చినట్టు వెల్లడించారు. కేంద్రమంత్రి నితిన్ గడ్కరీతో ప్రత్యేకంగా భేటీ అయిన కోమటిరెడ్డి.. తెలంగాణలో కీలకమైన మౌలిక వసతులు, రహదారుల అభివృద్ధి ప్రాజెక్టులపై విస్తృతంగా చర్చించారు. ఈ సందర్బంగా మంత్రి కోమటిరెడ్డి చేసిన వినతులపై స్పందించిన కేంద్రమంత్రి పలు కీలక ప్రతిపాదనలకు ఆమోదం తెలిపారు.

గేటు దూకి జంతర్‌మంతర్‌లో నిరసనలు.. సీజేపీ నేతల అరెస్టు!NationalSwechaa13 Oct 2026, 02:09 PM

గేటు దూకి జంతర్‌మంతర్‌లో నిరసనలు.. సీజేపీ నేతల అరెస్టు!

ఎస్ఐఆర్‌, కేంద్ర ఎన్నికల కమిషనర్ జ్ఞానేష్ కుమార్‌కు వ్యతిరేకంగా నిరననలు ఆగడం లేదు. జంతర్ మంతర్ వద్ద నిరసనలు చేయడానికి వీల్లేదని నిన్న ఢిల్లీ పోలీసులు ప్రకటించిన విషయం తెలిసిందే. అయినప్పటికీ కాక్రోచ్ జనతా పార్టీ నేతలు సౌరవ్ దాస్, ఆశుతోష్ రంకాలు ఇవాళ పోలీసుల కళ్లుగప్పి గేట్లు దూకి జంతర్ మంతర్ వద్దకు చేరుకున్నారు. త్రివర్ణ పతాకం చేతబట్టుకొని కొందరు నిరసనలు తెలిపేందుకు ప్రయత్నించారు. దీంతో ఢిల్లీ పోలీసులు వారిని అదుపులోకి తీసుకున్నారు. అంతకుముందు జంతర్ మంతర్ వద్ద నిరసన తెలిపేందుకు అనుమతి ఇవ్వాలని కోరుతూ పార్లమెంట్ స్ట్రీట్ డీసీపీ కార్యాలయానికి లేఖ సమర్పించినప్పటికీ ఇవ్వలేదని తెలిసింది. అయితే, అనుమతులు లేకుండా ప్రదర్శనలు నిర్వహించడానికి వీల్లేదంటూ పోలీసులు వారిని అడ్డుకున్నారు. వేదిక వద్దకు చేరుకున్న వెంటనే సౌరవ్ దాస్, రంకాలతో పాటు మరికొందరినీ పోలీసులు వాహనాల్లోకి ఎక్కించి స్థానిక పోలీస్ స్టేషన్‌కు తరలించారు.

కాంగ్రెస్‌ది ద్వంద్వ వైఖరి: కిషన్ రెడ్డితెలంగాణSwechaa13 Oct 2026, 02:01 PM

కాంగ్రెస్‌ది ద్వంద్వ వైఖరి: కిషన్ రెడ్డి

 ప్రజాస్వామ్య హక్కులు, నిరసనల విషయంలో కాంగ్రెస్ పార్టీ అనుసరిస్తున్న తీరుపై కేంద్ర మంత్రి కిషన్ రెడ్డి తీవ్రస్థాయిలో విరుచుకుపడ్డారు. ఢిల్లీలో కాంగ్రెస్ నేతలు ఎలాంటి ఆంక్షలు లేకుండా స్వేచ్ఛగా నిరసనలు, మార్చ్‌లు చేసుకునేందుకు అనుమతిస్తున్న కేంద్ర ప్రభుత్వం.. అదే కాంగ్రెస్ అధికారంలో ఉన్న తెలంగాణలో మాత్రం విపక్ష బీజేపీ నేతల గొంతును ఉక్కుపాదంతో అణచివేస్తోందని మండిపడ్డారు. ఒకే దేశంలో రెండు విభిన్న రాజకీయ విధానాలను అవలంబిస్తూ కాంగ్రెస్ పార్టీ తన ద్వంద్వ వైఖరిని బట్టబయలు చేసుకుంటోందని దుయ్యబట్టారు.

నైరుతి నిష్క్రమణ.. ఈశాన్య రుతుపవనాల ఆగమనంతో భారీ వర్షాలు!తెలంగాణSwechaa13 Oct 2026, 01:43 PM

నైరుతి నిష్క్రమణ.. ఈశాన్య రుతుపవనాల ఆగమనంతో భారీ వర్షాలు!

తెలుగు రాష్ట్రాల్లో మరోసారి భారీ వర్షాలు కురుస్తాయని తెలుస్తోంది. నైరుతి రుతుపవనాలు నిష్క్రమించడంతో రాష్ట్రంలో ఎండలు దంచికొడుతున్నాయి. కాగా, రెండు రాష్ట్రాల్లో వర్షాలు కురుస్తాయని వెదర్ మ్యాన్ అంచనావేశారు. దీంతో తెలుగు ప్రజలు ఊపిరిపీల్చుకుంటున్నారు. ఎండ తీవ్రత తాళలేక ప్రజలు తీవ్ర ఇబ్బందులు పడుతున్న విషయం తెలిసిందే. ఎల్ నినో కారణంగా రెండు రాష్ట్రాల్లో కరువు పరిస్థితులు ఏర్పడ్డాయి. సాగుకు నీరు లేక అన్నదాతలు తీవ్ర ఇబ్బందులు పడుతున్నారు.ఈ సమయంలో తెలుగు రాష్ట్రాల వైపు ఈశాన్య రుతుపవనాలు వేగంగా దూసుకు వస్తున్నాయని పేర్కొన్నారు. దీంతో ఏపీ, తెలంగాణల్లో రానున్న రోజుల్లో భారీ వర్షాలు కురుస్తాయని వెదర్ మ్యాన్ వెల్లడించారు. ముఖ్యంగా అక్టోబర్ 15వ తేదీ నుంచి కోస్తాంధ్ర తీర ప్రాంతాల్లో విస్తారంగా వర్షాలు దంచికొట్టే అవకాశమున్నట్టు అంచనా వేశారు.

ప్రపంచకప్‌ 2027లో కోహ్లీ, రోహిత్ భాగస్వామ్యంపై బీసీసీఐ స్పష్టత!క్రీడలుSwechaa13 Oct 2026, 01:42 PM

ప్రపంచకప్‌ 2027లో కోహ్లీ, రోహిత్ భాగస్వామ్యంపై బీసీసీఐ స్పష్టత!

 2027వన్డే ప్రపంచకప్‌లో టీమిండియా సీనియర్ దిగ్గజాలు విరాట్ కోహ్లీ, రోహిత్ శర్మల ప్రాతినిధ్యంపై నెలకొన్న చర్చకు బీసీసీఐ అధ్యక్షుడు మిథున్ మన్హాస్ స్పష్టతనిచ్చారు. ఆటగాళ్ల వయసు పెరుగుతున్నప్పటికీ, కేవలం వయసును మాత్రమే ఎంపికకు ప్రాతిపదికగా తీసుకోలేమని ఆయన స్పష్టం చేశారు. మైదానంలో ఆటగాడి ఫిట్‌నెస్, అద్భుతమైన ప్రదర్శనే ప్రధాన ప్రామాణికాలని పేర్కొన్నారు. జట్టు కోసం ఆడుతూ మ్యాచ్‌లను గెలిపించే సత్తా ఉన్నంత వరకు సీనియర్లు జట్టులో కొనసాగవచ్చని తెలిపారు.

'చౌకీదార్ చోర్ హై' పరువునష్టం కేసు.. రాహుల్ గాంధీకి ఊరట!NationalSwechaa13 Oct 2026, 01:05 PM

'చౌకీదార్ చోర్ హై' పరువునష్టం కేసు.. రాహుల్ గాంధీకి ఊరట!

ప్రధాని నరేంద్ర మోదీని ఉద్దేశించి చేసిన ‘చౌకీదార్ చోర్ హై’ వ్యాఖ్యలపై నమోదైన క్రిమినల్ పరువునష్టం కేసులో కాంగ్రెస్ అగ్రనేత, లోక్‌సభ ప్రతిపక్ష నేత రాహుల్ గాంధీకి సర్వోన్నత న్యాయస్థానంలో ఊరట లభించింది. ఈ కేసుకు సంబంధించి దిగువ ట్రయల్ కోర్టులో కొనసాగుతున్న విచారణ ప్రక్రియపై సుప్రీంకోర్టు స్టే విధించింది. జస్టిస్ విక్రమ్ నాథ్, జస్టిస్ అపరేష్ కుమార్ సింగ్‌లతో కూడిన ధర్మాసనం ఈ పిటిషన్‌పై విచారణ జరిపి మహారాష్ట్ర ప్రభుత్వానికి నాలుగు వారాల గడువుతో నోటీసులు జారీ చేసింది.

మిగిలింది రెండేండ్లే.. ‘నామినేటెడ్’ ఊరించుడు ఇంకెన్నాళ్లు?టాప్ న్యూస్Swechaa13 Oct 2026, 12:55 PM

మిగిలింది రెండేండ్లే.. ‘నామినేటెడ్’ ఊరించుడు ఇంకెన్నాళ్లు?

వచ్చే అసెంబ్లీ ఎన్నికల్లో పార్టీ అధికారంలోకి రావాలంటే ముందుగా అసంతృప్తితో ఉన్న నేతలకు పదవులు ఇవ్వాలని, దక్కని వారికి మరోవిధంగా బుజ్జగింపులు, హామీలు ఇవ్వాలని అధిష్టానం సైతం ఓ నిర్ణయానికి వచ్చినట్టు తెలిసింది.కేవలం రెండేండ్లే సమయం ఉండటంతో త్వరగా నామినేటెడ్ పోస్టులు భర్తీ చేయాలని చూస్తున్నట్టు సమాచారం. పదవులు పొందిన నేతలను పార్టీ కార్యక్రమాల్లో భాగస్వామ్యం చేసేలా క్యాలెండర్ తయారు చేస్తున్నట్టు తెలిసింది.ఈ క్రమంలోనే ఒకేసారి దాదాపు 60 కార్పొరేషన్ల చైర్మన్లు, డైరెక్టర్లను నియమించనున్నట్టు తెలిసింది. ఈ లెక్కన సుమారు 200 మందికి పదవులు వస్తాయని ప్రచారం జరుగుతోంది. ఇప్పటికే సమర్థులైన నేతల పేర్లను సీఎం రేవంత్, పీసీసీ అధ్యక్షుడు మహేశ్ గౌడ్ ఫైనల్ చేసినట్టు సమాచారం.

తిరుమల శ్రీవారిని దర్శించుకున్న 'వీరోష్' జంట.. ఫొటోలు వైరల్!సినిమాSwechaa13 Oct 2026, 12:03 PM

తిరుమల శ్రీవారిని దర్శించుకున్న 'వీరోష్' జంట.. ఫొటోలు వైరల్!

 టాలీవుడ్ మోస్ట్ అంటెండ్ అండ్ క్యూటెస్ట్ కపుల్‌.. రౌడీ హీరో విజయ్ దేవరకొండ, నేషనల్ క్రష్ రష్మిక మందన్నా (వీరోష్) మరోసారి తిరుమల తిరుపతి శ్రీవారిని దర్శించుకున్నారు. తెల్లవారుజామున సుప్రభాత సేవా సమయంలో స్వామివారిని సందర్శించుకున్నారు. తమ ఇలవేల్పును వేడుకుంటూ భక్తిశ్రద్ధలతో మొక్కులు చెల్లించుకున్నారు. ఈ సందర్భంగా ఆలయ అర్చకులు వీరికి వేదమంత్రోచ్ఛరణల మధ్య ఆశీర్వదించి, శ్రీవారి తీర్థప్రసాదాలను అందజేశారు.

మేమూ టాప్‌లో ఉన్నాం.. ఏఐ దిగ్గజాలకు మార్క్ జుకర్‌బర్గ్ సవాల్!వ్యాపారంSwechaa13 Oct 2026, 11:47 AM

మేమూ టాప్‌లో ఉన్నాం.. ఏఐ దిగ్గజాలకు మార్క్ జుకర్‌బర్గ్ సవాల్!

 కృత్రిమ మేధస్సులో ఓపెన్ ఏఐ(AI), ఆంథ్రోపిక్ వంటి దిగ్గజ సంస్థలకు పోటీగా మైక్రోసాఫ్ట్, గూగుల్ రేసులో నిలవగా, రేసులో కాస్త వెనుకబడిన మెటా (Meta) సంస్థ మళ్లీ ఫామ్‌లోకి వచ్చింది. అత్యంత అత్యాధునిక మరియు శక్తివంతమైన 'మ్యూజ్ వండర్' (Muse Wonder) అనే కొత్త ఏఐ మోడల్‌ను లాంఛ్ చేసినట్లు మెటా అధినేత మార్క్ జుకర్‌బర్గ్ అధికారికంగా ప్రకటించారు. ఈ మోడల్ విడుదలతో ఏఐ పరిశోధనల్లో, నూతన ఆవిష్కరణల్లో తమ సంస్థ మళ్లీ ప్రపంచంలోనే ముందంజలోకి వచ్చిందని ఆయన సంతోషం వ్యక్తం చేశారు. అంతకుముందు తాము విడుదల చేసిన 'మ్యూజ్ స్పార్క్' కంటే మ్యూజ్ వండర్ మోడల్ పనితీరు అత్యంత వేగవంతంగా, సంక్లిష్ట సమస్యలను పరిష్కరించేలా రూపుదిద్దుకుందని జుకర్‌బర్గ్ వివరించారు.

మెరుగ్గా భారత్ జీడీపీ వృద్ధిరేటు.. IMF  నివేదిక విడుదలవ్యాపారంSwechaa13 Oct 2026, 11:47 AM

మెరుగ్గా భారత్ జీడీపీ వృద్ధిరేటు.. IMF నివేదిక విడుదల

ప్రపంచ వ్యాప్తంగా మార్కెట్లు ఒడిదుడులకు గురవుతూనే ఉన్నాయి.మిడిల్ ఈస్ట్‌లో యుద్ధాల కారణంగా చమురుకు భారీ డిమాండ్ ఏర్పడింది.మడి చమురు కొరత కారణంగా చాలా దేశాల్లో పరిస్థితులు వేగంగా మారుతున్నాయి. ఆయా దేశాల ఆర్థిక పరిస్థితులు నేల చూపులు చూస్తున్నాయి. ప్రపంచమొత్తం మాంద్యం ఉచ్చులో ఇరుక్కోనుందా? అనే భయాలు వెంటాడుతున్నాయి. ఇన్వెస్టర్ల భయం కూడా ఆర్థికవ్యవస్థలు కుప్పకూలడానికి దోహదం చేస్తున్నాయి. ఇలాంటి విపత్కర, ఆర్థికపరంగా క్లిష్టమైన పరిస్థితులు నెలకొనడంతో తాజాగా అంతర్జాతీయ ద్రవ్యనిధి సంస్థ (IMF) భారత్‌కు శుభవార్త చెప్పింది. పరిస్థితులు ఎంత క్లిష్టంగా ఉన్నా భారత ఆర్థిక వ్యవస్థ పటిష్టమైన వేగంతో ముందుకు సాగుతోందని తెలిపింది.

తగలబెట్టి ప్రాణాలు తీసినా మారనితీరు.. అబ్దుల్లాపూర్‌మెట్‌లో అవినీతి తిమింగలాలు!క్రైమ్Swechaa13 Oct 2026, 11:41 AM

తగలబెట్టి ప్రాణాలు తీసినా మారనితీరు.. అబ్దుల్లాపూర్‌మెట్‌లో అవినీతి తిమింగలాలు!

 రంగారెడ్డి జిల్లా అబ్దుల్లాపూర్‌మెట్ రెవెన్యూ కార్యాలయం మళ్లీ వార్తల్లోకెక్కింది. గతంలో అవినీతి, లంచాల వేధింపులు భరించలేక ఓ వ్యక్తి కార్యాలయంలోనే నాటి మహిళా తహసీల్దార్ విజయారెడ్డిపై పెట్రోల్ పోసి తగలబెట్టిన ఘోర ఉదంతం రాష్ట్రవ్యాప్తంగా తీవ్ర కలకలం రేపిన సంగతి తెలిసిందే. ఆ ఘటనలో ఆమె ప్రాణాలు కోల్పోయినా, రెవెన్యూ యంత్రాంగం వైఖరిలో మార్పు రాకపోవడం గమనార్హం. సరిగ్గా అదే కార్యాలయంలో, అదే తహసీల్దార్ చాంబర్‌లో ఏకంగా రూ.20లక్షల లంచం తీసుకుంటూ అధికారులు ఏసీబీకి రెడ్‌హ్యాండెడ్‌గా చిక్కడం ప్రజలను తీవ్ర ఆగ్రహావేశాలకు గురిచేస్తోంది.  ఒక లేఅవుట్ సర్వే నివేదికను అనుకూలంగా ఇచ్చేందుకు అబ్దుల్లాపూర్‌మెట్ తహసీల్దార్ బి.సుదర్శన్ రెడ్డి ఆదేశాల మేరకు మండల సర్వేయర్ బటుక శ్రీనివాసులు బాధితుడి నుంచి రూ.20లక్షల భారీ మొత్తాన్ని వసూలు చేస్తుండగా ఏసీబీ అధికారులు పకడ్బందీగా దాడి చేసి పట్టుకున్నారు.

ఎల్‌నినో ఎఫెక్ట్.. నిప్పుల గుండంగా మారనున్న తెలంగాణ!తెలంగాణSwechaa13 Oct 2026, 11:09 AM

ఎల్‌నినో ఎఫెక్ట్.. నిప్పుల గుండంగా మారనున్న తెలంగాణ!

ఎల్‌నినో ప్రభావం కారణంగా తెలంగాణలో కరువు పరిస్థితులతో పాటు ఎండలు తీవ్రంగా ముదిరే అవకాశం ఉందని తెలుస్తోంది. సాధారణంగా రాష్ట్రంలో వేసవి సమయంలో 45 డిగ్రీల వరకు ఎండలు కొడతాయి.కానీ, ఈసారి 50 డిగ్రీలకు పైగా ఉష్ణోగ్రతలు నమోదయ్యే అవకాశం ఉన్నట్టు తెలుస్తోంది. దీంతో విద్యార్థులు, వృద్ధులు, పశుపక్షాదులు తీవ్ర ఇబ్బందులు ఎదుర్కోవాల్సి ఉంటుందని, వడదెబ్బకు మరణాల సంఖ్య పెరిగే అవకాశాలు ఉన్నాయని, అందుకోసం ముందస్తు జాగ్రత్తలు తప్పనిసరి అని వాతావరణ నిపుణులు హెచ్చరిస్తున్నారు.

జ్ఞానేశ్‌ కుమార్‌ను ఉంచినా ముప్పే.. తీసేసినా చిక్కే! బీజేపీ ముందున్న ఆప్షన్లేంటి..?NationalSwechaa13 Oct 2026, 10:48 AM

జ్ఞానేశ్‌ కుమార్‌ను ఉంచినా ముప్పే.. తీసేసినా చిక్కే! బీజేపీ ముందున్న ఆప్షన్లేంటి..?

సీఈసీ జ్ఞానేశ్‌ కుమార్‌ విషయంలో ఏం చేద్దాం..? ఇదీ ప్రస్తుతం కేంద్ర ప్రభుత్వం ముందున్న బిగ్ క్వశ్చన్. విపక్షాల నిరసనలు, కాక్రోచ్ ల ఆందోళనలను పట్టించుకోనట్టు కనిపిస్తున్నా.. లోలోన మాత్రం ఆలోచనలో పడిందట మోదీ సర్కార్.

తికమక పెట్టిన ‘నేహా బోరా’ ప్రింట్.. షాక్‌లో ఢిల్లీ పోలీసులు!NationalSwechaa13 Oct 2026, 10:40 AM

తికమక పెట్టిన ‘నేహా బోరా’ ప్రింట్.. షాక్‌లో ఢిల్లీ పోలీసులు!

జంతర్ మంతర్ వద్ద జరిగిన నిరసనల్లోనూ నేహాబోరా పోలీసుల కళ్లు గప్పి నిరసన ప్రదర్శనల్లో పాల్గొన్నారు. ఆమెను ముందస్తుగా అదుపులోకి తీసుకోవాలని భావించిన ఖాకీలకు ఊహించని షాక్ తగిలింది. నిరసన సమయంలో అచ్చం నేహాబోరా లాగే ఉన్న ఓ అమ్మాయి పోలీసుల దృష్టిని ఆకర్షించింది. కళ్లద్దాలు పెట్టుకుని ఫేస్ మాస్క్ పెట్టుకుని ఆమెను చూసి నిజమైన నేహాబోరా అనుకుని పోలీసులు అరెస్టు చేశారు.తీరా చూస్తే అసలైన నేహాబోరా నిరసనల్లో పాల్గొని నినాదాలు చేయడం పోలీసుల కంట పడింది. దీంతో ఒకరికి బదులు మరొకరిని అరెస్టు చేశామని పోలీసులు నాలుక కరుచుకున్నట్టు తెలిసింది. ఆర్కే ఆశ్రమం వద్ద మాస్కుతో ఉన్న అమ్మాయిని చూసి నేహా బోరానే అనుకొని ఆమెను అరెస్టు చేయడం హాస్యాస్పదంగా మారింది.

అబ్దుల్లాపూర్‌మెట్ ఎమ్మార్వో సుదర్శన్ రెడ్డి ఇంట్లో కొనసాగుతున్న సోదాలు!క్రైమ్Swechaa13 Oct 2026, 10:31 AM

అబ్దుల్లాపూర్‌మెట్ ఎమ్మార్వో సుదర్శన్ రెడ్డి ఇంట్లో కొనసాగుతున్న సోదాలు!

 రంగారెడ్డి జిల్లా రెవెన్యూ విభాగంలో అవినీతి మూలాలపై యాంటీ కరప్షన్ బ్యూరో (ACB) అధికారులు ఉక్కుపాదం మోపుతున్నారు. నిన్న రాత్రి నుంచి రంగంలోకి దిగిన ఏసీబీ అధికారులు ఏకకాలంలో పలు ప్రాంతాల్లో విస్తృత తనిఖీలు చేపట్టారు. ఇందులో భాగంగా అబ్దుల్లాపూర్‌మెట్ తహసీల్దార్ (MRO) సుదర్శన్ రెడ్డి నివాసంతో పాటు ఆయన కార్యాలయంలోనూ సోదాలు నిరంతరంగా కొనసాగుతున్నాయి.  భూముల క్లియరెన్సులు, సర్వేలు, వివిధ ధ్రువీకరణ పత్రాల జారీలో భారీగా ముడుపులు దండుకుంటున్నారన్న పక్కా సమాచారంతో అధికారులు ఈ ఆకస్మిక దాడులు నిర్వహించినట్లు తెలుస్తోంది.

నేడు ఏపీకి సీఎం విజయ్..  నదుల అనుసంధానానికి లైన్ క్లియర్?ఏపీSwechaa13 Oct 2026, 10:14 AM

నేడు ఏపీకి సీఎం విజయ్.. నదుల అనుసంధానానికి లైన్ క్లియర్?

తమిళనాడు ముఖ్యమంత్రి జోసెఫ్ విజయ్ ఇవాళ ఆంధ్రప్రదేశ్ రాష్ట్రంలోని విజయవాడకు రానున్నారు. ఏపీ ప్రభుత్వం నిర్వహిస్తున్న దసరా శరన్నవరాత్రి వేడుకల్లో భాగంగా 'విజయవాడ ఉత్సవ్ 2.0' కార్యక్రమంలో పాల్గొనడానికి కూటమి ఎంపీలు ఆహ్వానం పలకడంతో ఆయన హాజరవుతున్నట్టు తెలుస్తోంది. అయితే, విజయ్ రాక సందర్బంగా ఏపీ ప్రభుత్వంతో పలు కీలక చర్చలు జరపనున్నట్టు సమాచారం.దసరా వేడుకల్లో భాగంగా ముందుగా సీఎం విజయ్ ఇవాళ సాయంత్రం ఇంద్రకీలాద్రిపై కనకదుర్గమ్మ దర్శనం చేసుకోనున్నారు.అనంతరం ఏపీ సీఎం చంద్రబాబుతో భేటీ కానున్నట్టు తెలుస్తోంది. గోదావరి-కావేరి నదుల అనుసంధానం, కృష్ణా నది నీటి విడుదలపై చర్చ జరపనున్నట్టు తెలుస్తోంది.