స్వేచ్ఛ షార్ట్స్ — తాజా తెలుగు వార్తలు

నౌకపై రష్యా డ్రోన్ దాడి.. భారత నావికుడికి గాయాలు, ఇద్దరు మృతి!InternationalSwechaa06 Oct 2026, 12:19 PM

నౌకపై రష్యా డ్రోన్ దాడి.. భారత నావికుడికి గాయాలు, ఇద్దరు మృతి!

 నల్ల సముద్రంలో ప్రయాణిస్తున్న ఒక వాణిజ్య నౌకపై రష్యా చేపట్టిన డ్రోన్ దాడి తీవ్ర కలకలం రేపింది. రొమేనియా తీర ప్రాంత సమీపంలో 'ఎంవి రోయాద్ మమ్మడోవ్' (MV Royad Mammadov) అనే కార్గో నౌకపై మంగళవారం తెల్లవారుజామున ఈ దాడి జరిగింది. ఈ ప్రమాదంలో నౌకలోని ఇద్దరు సిబ్బంది అక్కడికక్కడే ప్రాణాలు కోల్పోగా, ఒక భారత నావికుడితో పాటు మరికొందరు తీవ్రంగా గాయపడ్డారు. గాయపడిన నౌక సిబ్బందిని అత్యవసర చికిత్స నిమిత్తం రొమేనియాలోని ఆసుపత్రికి తరలించారు.

Vijayashanti: అందరికంటే ఆమె డిఫరెంట్!సినిమాSwechaa06 Oct 2026, 12:17 PM

Vijayashanti: అందరికంటే ఆమె డిఫరెంట్!

Vijayashanti: విజయశాంతి సెకండ్ ఇన్నింగ్స్ గురించి అందరూ మాట్లాడుకుంటున్నారు. ఇప్పటి దర్శకులు కొందరు అప్పటి హీరోయిన్స్‌ను మళ్ళీ టాలీవుడ్ సినిమాలలోకి అద్భుతమైన పాత్రలతో ప్రేక్షకుల ముందుకు తీసుకువస్తున్నారు. త్రివిక్రమ్ శ్రీనివాస్, కొరటాల శివ లాంటి వారు..సీనియర్ నటీమణుల కోసం చక్కటి పాత్రలు..కథలో బలం ఉన్న పాత్రలను రాస్తున్నారు. మిర్చి సినిమాతో నదియా మళ్ళీ రీ ఎంట్రీ ఇచ్చి వరుసగా సినిమాలు చేస్తోంది.

హాలిడేస్ ఎఫెక్ట్.. శ్రీవారి హుండీకి రికార్డు స్థాయిలో ఆదాయంఏపీSwechaa06 Oct 2026, 12:09 PM

హాలిడేస్ ఎఫెక్ట్.. శ్రీవారి హుండీకి రికార్డు స్థాయిలో ఆదాయం

తిరుమల తిరుపతి దేవస్థానం (టీటీడీ)కి రికార్డు స్థాయిలో ఆదాయం సమకూరింది.వరుసగా సెలవులు రావడం ఇందుకు ప్రధాన కారణంగా తెలుస్తోంది. దీంతో శ్రీవారి హుండీకి నిధుల వరద ప్రవాహం కొనసాగింది. గత 9 నెలల వ్యవధిలోనే స్వామి వారి హుండీకి రూ.1,129.04 కోట్ల భారీ ఆదాయం సమకూరినట్లు తిరుమల తిరుపతి దేవస్థానం అధికారిక వర్గాలు వెల్లడించాయి. దేశవిదేశాల నుంచి విచ్చేసిన లక్షలాది మంది భక్తులు శ్రీ వేంకటేశ్వర స్వామి వారిని దర్శించుకుని మొక్కులు తీర్చుకున్నారు. ఈ క్రమంలో స్వామి వారి మీద అనంత భక్తితో హుండీలో కానుకలను సమర్పించారు. సమ్మర్ హాలిడేస్, పండుగల సెలవులు కలిసి రావడంతో గత కొన్ని నెలలుగా హుండీ ఆదాయం నిరంతరాయంగా సరికొత్త గరిష్టాలను నమోదు చేసింది. జూలై నెలలో టీటీడీ చరిత్రలోనే ఆల్‌టైమ్ రికార్డు స్థాయిలో అత్యధికంగా రూ.140.25 కోట్ల కానుకలు రావడం విశేషం.

Lucknow Airport: లక్నో ఎయిర్‌పోర్ట్ వద్ద కలకలం.. కార్మికులకు తృటిలో తప్పిన ప్రమాదం!..NationalSwechaa06 Oct 2026, 11:48 AM

Lucknow Airport: లక్నో ఎయిర్‌పోర్ట్ వద్ద కలకలం.. కార్మికులకు తృటిలో తప్పిన ప్రమాదం!..

లక్నో చౌదరి చరణ్ సింగ్ అంతర్జాతీయ విమానాశ్రయం వెలుపల మంగళవారం ఉదయం భారీ అగ్నిప్రమాదం కలకలం రేపింది. ఎయిర్‌పోర్ట్ విస్తరణ పనుల్లో ఉన్న కార్మికుల కోసం ఏర్పాటు చేసిన మూడు అంతస్తుల తాత్కాలిక వసతి గృహంలో ఉదయం 6:50 గంటలకు మంటలు చెలరేగాయి. పీవీసీ ప్యానెళ్లతో నిర్మించిన క్యాంప్ కావడంతో మంటలు క్షణాల్లోనే వ్యాపించాయి. అక్కడ దాదాపు 500 మంది కార్మికులు ఉన్నప్పటికీ.. సిబ్బంది సకాలంలో అందరినీ సురక్షితంగా బయటకు తరలించారు. ఫైర్ సిబ్బంది అరగంట పాటు శ్రమించి మంటలను అదుపులోకి తెచ్చారు. ప్రమాదానికి కారణం ఏంటన్నదానిపై దర్యాప్తు కొనసాగుతోంది.

తెలంగాణలో మహా కరువు.. రైతు కోసం ప్రభుత్వం ఏం చేస్తోంది?తెలంగాణSwechaa06 Oct 2026, 11:43 AM

తెలంగాణలో మహా కరువు.. రైతు కోసం ప్రభుత్వం ఏం చేస్తోంది?

తెలంగాణలో వానలు తగ్గాయి. పంటలపై ఒత్తిడి పెరుగుతోంది. జలాశయాల్లో నీటి నిల్వలు తగ్గాయి. భూగర్భజలాల పరిస్థితి కూడా ఆందోళన కలిగిస్తోంది. ఇవన్నీ చూస్తుంటే భయంకరమైన కరువు తప్పదా అనే ప్రశ్నలు వెంటాడుతున్నాయి. మరి కరువును ఎదుర్కొనేందుకు ప్రభుత్వం ఏం చేస్తోంది..?

Road Accident: నల్లమలలో ఘోర రోడ్డు ప్రమాదం.. షాకిస్తున్న మరణాల నివేదికలు!..క్రైమ్Swechaa06 Oct 2026, 11:25 AM

Road Accident: నల్లమలలో ఘోర రోడ్డు ప్రమాదం.. షాకిస్తున్న మరణాల నివేదికలు!..

నల్లమల ఘాట్ రోడ్డులో మంగళవారం ఉదయం తీవ్ర విషాదం చోటుచేసుకుంది. కర్నూలు నుంచి కాకినాడ వెళ్తున్న ఆర్‌టీసీ హైటెక్ బస్సు, బొలెరో వాహనంను ఎదురెదురుగా ఢీకొన్న ప్రమాదంలో ఇద్దరు అక్కడికక్కడే ప్రాణాలు కోల్పోయారు. మరొకరి పరిస్థితి అత్యంత విషమంగా ఉంది. ఘటనా స్థలానికి చేరుకున్న పోలీసులు కేసు నమోదు చేసి దర్యాప్తు చేస్తున్నారు.

మళ్లీ బర్డ్ ఫ్లూ పంజా.. పౌల్ట్రీ ఫారమ్‌లో 2,500 కోళ్లు మృతి!ఏపీSwechaa06 Oct 2026, 11:23 AM

మళ్లీ బర్డ్ ఫ్లూ పంజా.. పౌల్ట్రీ ఫారమ్‌లో 2,500 కోళ్లు మృతి!

 ఆంధ్రప్రదేశ్​లోని అనంతపురం జిల్లాలో బర్డ్ ఫ్లూ (ఏవియన్ ఇన్‌ఫ్లూయెంజా) కలకలం రేపింది. బుక్కరాయసముద్రం మండలం పరిధిలోని సిద్ధరాంపురం గ్రామంలోని ఒక పౌల్ట్రీ ఫారమ్‌లో విడతల వారీగా సుమారు 2,500కోళ్లు మృత్యువాతపడ్డాయి. ఈ ఘటనతో పౌల్ట్రీ నిర్వాహకులు, చుట్టుపక్కల గ్రామాల ప్రజలు తీవ్ర భయాందోళనలకు గురయ్యారు. సిద్ధరాంపురంలో ఇటీవల ఏర్పాటు చేసిన ఈ ఫారానికి ఆదిలాబాద్ జిల్లా నుంచి కోళ్లను తీసుకువచ్చినట్లు అధికారులు గుర్తించారు.

కాంగో నదిలో రెండు పడవలు ఢీ.. 60కి పెరిగిన మృతుల సంఖ్య!InternationalSwechaa06 Oct 2026, 11:11 AM

కాంగో నదిలో రెండు పడవలు ఢీ.. 60కి పెరిగిన మృతుల సంఖ్య!

 ఆఫ్రికాలోని డెమోక్రటిక్ రిపబ్లిక్ ఆఫ్ కాంగో (DRC)లో తీవ్ర విషాదం చోటుచేసుకుంది. ఈక్వాటూర్ ప్రావిన్స్‌కు చెందిన ఎన్‌గోంబే-లుకోలేలా ప్రాంత సమీపంలో కాంగో నదిపై ప్రయాణిస్తున్న రెండు పడవలు ఎదురెదురుగా బలంగా ఢీకొన్నాయి. రాజధాని కిన్షాసా వైపు నుంచి వస్తున్న ‘డైయు సె కాచే’ (Dieu se cache) అనే లోహపు నౌక, బుసింగా వైపు నుంచి వస్తున్న ‘హెచ్‌బీ సూపర్ విక్టోయిర్’ (HB Super Victoire) అనే చెక్క పడవను ఢీకొట్టడంతో ఈ ప్రమాదం సంభవించింది.

Tollywood: విడుదల వాయిదా..అలాంటి సినిమాలన్నీ ఫ్లాపేనా?సినిమాSwechaa06 Oct 2026, 11:02 AM

Tollywood: విడుదల వాయిదా..అలాంటి సినిమాలన్నీ ఫ్లాపేనా?

Tollywood: మన తెలుగు సినిమా ఇండస్ట్రీలో ఈ మధ్య కొన్ని సినిమాలు చెప్పిన తేదీకి రిలీజ్ కావడం లేదు. దీనివల్ల, ప్రేక్షకుల్లో ఆసక్తి తగ్గిపోవడమే కాదు, బిజినెస్ పరంగా చాలా ఇబ్బందులను ఎదుర్కోవాల్సి ఉంటోంది. గత కొంతకాలంగా మన టాలీవుడ్ సినిమాలు వాయిదాల మీద వాయిదా పడి చివరికి ఫ్లాప్ టాక్‌ను తెచ్చుకుంటున్నాయి. ఇప్పుడు, విక్టరీ వెంకటేష్ హీరోగా నటించిన ఆదర్శ కుటుంబం మళ్ళీ వాయిదా పడింది.

సమస్యల సుడిగుండంలో ‘సచివాలయం’.. దద్దరిల్లుతున్న నిరసనలు!టాప్ న్యూస్Swechaa06 Oct 2026, 10:53 AM

సమస్యల సుడిగుండంలో ‘సచివాలయం’.. దద్దరిల్లుతున్న నిరసనలు!

తెలంగాణ సచివాలయం సమస్యలకు నిలయంగా మారింది. రాష్ట్ర ప్రభుత్వ పాలనా యంత్రాంగం అంతా ఇక్కడి నుంచే నడుస్తుంది. ప్రభుత్వం తీసుకునే నిర్ణయాలను అధికారులు ఇక్కడి నుంచే అమలు చేస్తుంటారు.మంత్రులతో పాటు సీఎస్ సంజయ్ జాజు సైతం ఇక్కడి నుంచే విధులు నిర్వహిస్తుంటారు. రాష్ట్రవ్యాప్తంగా ప్రభుత్వ కార్యాలయాలకు ఆదేశాలు ఇక్కడి నుంచి వెళ్తుంటాయి. కాంట్రాక్ట్, ఔట్ సోర్సింగ్ సంస్థలకు బిల్లుల విడుదల, ఆర్థిక పరమైన అంశాలు సచివాలయం కేంద్రంగా నడుస్తుంటాయి. సచివాలయంలో నిత్యం బిల్లుల పెండింగ్‌ సమస్యలు తలెత్తుతున్నాయి. రెండు వారాల కిందట తమకు బిల్లులు చెల్లించడం లేదని కాంట్రాక్టర్లు, రిటైర్డ్ ఉద్యోగులు, పెన్షన్ దారులు ఆందోళన చేపట్టిన విషయం తెలిసిందే.తాజాగా సుమారు రూ.50 కోట్ల మేర వాటర్ బిల్లులు పెండింగ్‌ పెట్టారని సచివాలయంలో తాగునీటి సరఫరా నిలిపివేసినట్టు తెలిసింది. గతంలో ఫుడ్ బిల్లులు పెండింగ్ పెట్టారని.. భోజనం, స్నాక్స్‌ సైతం కాంట్రాక్టర్లు నిలిపివేసిన విషయం తెలిసిందే. మరోవైపు ఇంటర్నెట్ బిల్లులు పెండింగ్‌ పెట్టడంతో ‘నెట్’ సేవలకు కూడా అంతరాయం ఏర్పడింది.

JuralaProject: కర్ణాటక నీళ్లేవి?  రైతులను మభ్యపెడుతున్న రేవంత్‌రెడ్డి!తెలంగాణSwechaa06 Oct 2026, 10:39 AM

JuralaProject: కర్ణాటక నీళ్లేవి?  రైతులను మభ్యపెడుతున్న రేవంత్‌రెడ్డి!

 జూరాల ప్రాజెక్టుకు కర్ణాటక నుంచి నీటిని విడుదల చేయించడంలో తెలంగాణ ప్రభుత్వం ప్రచారానికే పరిమితమైందన్న విమర్శలు బలంగా వినిపిస్తున్నాయి. ఇటీవల సీఎం రేవంత్ రెడ్డి, తెలంగాణ మంత్రుల బృందం కర్ణాటక ఉపముఖ్యమంత్రి డీకే శివకుమార్‌తో భేటీ అయి నీటి విడుదలకు ఒప్పించామని, జూరాలకు జలకళ తీసుకువచ్చామని హడావుడి చేశారు. అయితే, అక్కడ కర్ణాటక స్థానిక నేతలు, రైతు సంఘాల నుంచి తీవ్ర వ్యతిరేకత ఎదురవడంతో ఆ ప్రభుత్వం నీటి విడుదలను నిలిపివేసినట్లు తెలుస్తోంది.  ఫలితంగా ఉమ్మడి మహబూబ్‌నగర్ జిల్లాలోని జూరాల ప్రాజెక్టు ఆయకట్టు రైతులకు తీవ్ర పంట కష్టాలు ఎదురవుతున్నాయి.

హైదరాబాద్‌లో  ఓటర్లను భయపెడుతున్న ఫారమ్-7..తెలంగాణSwechaa06 Oct 2026, 10:20 AM

హైదరాబాద్‌లో ఓటర్లను భయపెడుతున్న ఫారమ్-7..

ఎస్ఐఆర్ ప్రక్రియ తెలంగాణలో కొనసాగుతుండగా.. ఓట్లను గుట్టుచప్పుడు కాకుండా తొలగిస్తున్నారని అధికార, ప్రతిపక్ష పార్టీలు ఆరోపిస్తున్నాయి. ఇప్పటికే పలుమార్లు రాష్ట్ర ఎన్నికల సంఘం సీఈవోను కలిసి పలువురు నేతలు ఫిర్యాదు చేశారు. అయినప్పటికీ ఓట్ల తొలగింపు ఆగడం లేదని, చిన్నచిన్నకారణాలు చూపుతూ తొలగిస్తున్నారని ఫిర్యాదులు వస్తున్నాయి. ఓటరు జాబితా సమగ్ర సవరణ(ఎస్ఐఆర్)లో భాగంగా నోటీసులు అందుకున్న వారు సమాధానం ఇవ్వాల్సి ఉండగా, కొందరు ఇవ్వకపోవడంతో ఓట్లు డిలీట్ అవుతున్నాయని బీఎల్‌వోలు చెబుతున్నారు. హైదరాబాద్‌లో ఓట్ల తొలగింపునకు కుట్ర జరుగుతోందని అధికార కాంగ్రెస్, బీఆర్ఎస్, ఎంఐఎం పార్టీలు ప్రధానంగా ఆరోపిస్తున్నాయి. ఓటర్లకు తెలియకుండానే ఫారం-7 దరఖాస్తులు వెలుగుచూడటంతో ఆందోళన నెలకొంది. ఒక బీఎల్‌ఓ కుటుంబానికి చెందిన 30 ఓట్ల తొలగింపునకు ప్రయత్నించారని.. ఈ ఘటన ముషీరాబాద్‌లో వెలుగులోకి వచ్చినట్టు తెలిసింది.

Telangana: కబ్జాల్లోనే కాదు..షోరూంలోనూ అంతే?తెలంగాణSwechaa06 Oct 2026, 10:00 AM

Telangana: కబ్జాల్లోనే కాదు..షోరూంలోనూ అంతే?

కబ్జాల్లోనే కాదు.. షోరూంలోనూ అదే అరాచకమా? హైదరాబాద్ అయ్యప్ప సొసైటీలో మాజీ ఎంపీ బుట్టా రేణుక కుటుంబం నిర్వహిస్తున్న తేజస్వి టాటా మోటార్స్ షోరూమ్‌పై బాధితుల తీవ్ర ఆగ్రహం! కస్టమర్లను బ్లాక్‌లిస్ట్ చేస్తామని బెదిరింపులు, రూ.వేలలో దోపిడీ చేస్తున్నారంటూ ఆరోపణలు వెల్లువెత్తుతున్నాయి. ఓవైపు రూ.కోట్ల బ్యాంకు అప్పులు, అక్రమ నిర్మాణాలు.. మరోవైపు వ్యాపారాల పేరుతో దోచుకుంటున్నారంటూ సోషల్ మీడియాలో బాధితులు నిలదీస్తున్నారు..

రేవంత్ సర్కార్ బాదుడే బాదుడు.. ప్రజల నెత్తిన మరో పిడుగు!టాప్ న్యూస్Swechaa06 Oct 2026, 09:57 AM

రేవంత్ సర్కార్ బాదుడే బాదుడు.. ప్రజల నెత్తిన మరో పిడుగు!

రేవంత్ సర్కార్ సామాన్యుడి మీద మరో భారం మోపేందుకు సిద్ధపడింది. తెలంగాణలో విద్యుత్ చార్జీలు పెంచేందుకు ఈఆర్సీ అనుమతి ఇచ్చింది. దీంతో విద్యుత్ వినియోగదారులపై ‘ట్రూ అప్’ ఛార్జీల భారం పడనుంది. నవంబర్ 1 నుంచి ట్రూ అప్ ఛార్జీల వసూలుకు ఈఆర్సీ అనుమతి ఇవ్వడంతో వసూలుకు డిస్కంలు రెడీ అవుతున్నాయి. నవంబర్ నెలలో యూనిట్‌కు 30 పైసలు, డిసెంబర్ నుంచి యూనిట్‌కు 50 పైసలు వసూలు చేయనున్నట్టు తెలిసింది. SPDCLకు 29 నెలలు, NPDCLకు 26 నెలలు వసూలుకు అనుమతి ఇచ్చినట్టు తెలిసింది.కాగా, వ్యవసాయ రంగానికి మినహాయింపు ఇవ్వగా.. రైతుల వాటా రూ.2,215 కోట్లు ప్రభుత్వమే చెల్లించనుంది.

Hyderabad: కేబీఆర్ పార్క్ చుట్టూ పనుల రద్దు.. పెద్దల కోసమేనా?..తెలంగాణSwechaa06 Oct 2026, 09:41 AM

Hyderabad: కేబీఆర్ పార్క్ చుట్టూ పనుల రద్దు.. పెద్దల కోసమేనా?..

TDR పేరిట పేదల స్థలాలను కొట్టేస్తున్న సర్కార్, వీఐపీల ఆస్తులకు మాత్రం పూర్తి మినహాయింపులు ఇస్తోంది. జానారెడ్డి, అల్లు అర్జున్ మామ చంద్రశేఖర్ రెడ్డి, రేణుక చౌదరి, బాలకృష్ణ వంటి పెద్దల భూములను కాపాడేందుకే రేవంత్ ప్రభుత్వం వెనక్కి తగ్గింది.

వందల కోట్లు ఖర్చు చేసిన ఫ్యూచర్ హెచ్ సీటీ పనులను రాజకీయ ఒత్తిళ్లకు తలొగ్గి నిలిపివేశారు. కమిషనర్ వ్యాఖ్యలతో పెద్దల ల్యాండ్స్ రక్షణ, మేఘా కంపెనీకి చేకూరిన భారీ లబ్ధి వెనుక ఉన్న అసలు నిజాలు స్పష్టమవుతున్నాయి. దీనిపై ప్రత్యేక కథనం... చూడండి స్వేచ్ఛ న్యూస్!

75శాతం మంది ఉద్యోగులకు AI భయం.. సంచలన హెచ్చరిక!InternationalSwechaa06 Oct 2026, 09:30 AM

75శాతం మంది ఉద్యోగులకు AI భయం.. సంచలన హెచ్చరిక!

ఆర్టిఫిషియల్ ఇంటెలిజెన్స్(AI) శరవేగంగా విస్తరిస్తున్న తరుణంలో ఉద్యోగాల భవిష్యత్తుపై ఆందోళనలు మరింత తీవ్రమవుతున్నాయి. ఇప్పటికే చాలా కంపెనీల్లో లేఆఫ్ ప్రకటనలతో ఉద్యోగులు సతమతమవుతున్నారు. ఈఎంఐల భారంతో బలవన్మరణాలకు పాల్పడుతున్నారు. ఇలాంటి పరిస్థితుల్లో అమెరికాలో ఏఐ ప్రభావంపై నోబెల్ బహుమతి గ్రహీత, ప్రముఖ ఆర్థివేత్త డాలరన్ అసెమోగ్లు కీలక వ్యాఖ్యలు చేశారు. అమెరికా ప్రస్తుతం పయనిస్తున్న విధానంలోనే AI విస్తరణ కొనసాగితే, రాబోయే పదేళ్లలో అక్కడ నిరుద్యోగం ఏకంగా మూడు రెట్లు పెరిగే అవకాశముందని ఆయన హెచ్చరించారు.

Trump: ‘ఫ్లైదుబాయ్’ దాడిలో ఇరాన్ హస్తం ఉందా? ట్రంప్ సంచలన వ్యాఖ్యలు!InternationalSwechaa06 Oct 2026, 08:48 AM

Trump: ‘ఫ్లైదుబాయ్’ దాడిలో ఇరాన్ హస్తం ఉందా? ట్రంప్ సంచలన వ్యాఖ్యలు!

ఫ్లైదుబాయ్ విమానంలో జరిగిన ఉగ్రదాడి ఉదంతంపై అమెరికా అధ్యక్షుడు డొనాల్డ్ ట్రంప్ సంచలన వ్యాఖ్యలు చేశారు. ఇండియన్ పైలట్ స్మిత్ మచ్చర్‌పై ఒమన్ దేశానికి చెందిన కో-పైలట్ హమామ్ అల్ హమ్మామీ జరిపిన ఈ దాడి వెనుక ఇరాన్ హస్తం ఉండవచ్చని ఆయన ఆరోపించారు. ఇది తన వ్యక్తిగత అభిప్రాయమని పేర్కొన్న ట్రంప్, తన ఆరోపణలకు అనుగుణంగా ఎలాంటి అధికారిక సమాచారాన్ని బయటపెట్టలేదు. అయితే, ఓ ప్రెస్‌మీట్ విలేకరి ప్రశ్నిస్తూ ఫ్లైదుబాయ్ దాడిలో ఇరాన్ హస్తం ఉందనుకుంటున్నారా? అని అడిగారు. దీనికి ట్రంప్ బదులిస్తూ ఇరాన్ ప్రమేయం ఉండొచ్చని బదులిచ్చారు.

Government Hospitals: ప్రజా ఆరోగ్యంపై ప్రభుత్వాలకు లేదా నజర్!!.. సోది మాటలు-కాకి లెక్కలు..తెలంగాణSwechaa06 Oct 2026, 08:36 AM

Government Hospitals: ప్రజా ఆరోగ్యంపై ప్రభుత్వాలకు లేదా నజర్!!.. సోది మాటలు-కాకి లెక్కలు..

ప్రభుత్వ ఆస్పత్రి అంటే పేదలకు ఆలయాల వంటివని చెబుతారు. కానీ మన రెండు రాష్ట్రాలలోని ప్రభుత్వ ఆస్పత్రుల తీరు రోజు రోజుకు చర్చంశనీయాంశంగా మారుతున్నాయి. అయితే కొన్ని ప్రాంతాల్లోని ప్రభుత్వ ఆస్పత్రుల్లో అత్యుత్తమ వైద్య సేవలు అందుతుండగా, మరికొన్ని చోట్ల కనీస వసతుల కొరత, సిబ్బంది నిర్లక్ష్యం ప్రజలను తీవ్ర ఇబ్బందులకు గురిచేస్తున్నాయి..

ఈసీపై విపక్షాల సమరశంఖం.. నేడు ఢిల్లీలో ‘ఛలో ఈసీ’!NationalSwechaa06 Oct 2026, 12:13 AM

ఈసీపై విపక్షాల సమరశంఖం.. నేడు ఢిల్లీలో ‘ఛలో ఈసీ’!

ఢిల్లీ రాజకీయాలు మరోసారి వేడెక్కుతున్నాయి. ఓటర్ల జాబితా ప్రత్యేక సమగ్ర సవరణ (SIR), ఈసీ పనితీరు, ప్రధాన ఎన్నికల కమిషనర్ జ్ఞానేశ్‌ కుమార్ వ్యవహారంపై ఇప్పటికే ఆందోళన వ్యక్తం చేస్తున్న విపక్షాలు.. ఇప్పుడు నేరుగా ఎన్నికల సంఘం కార్యాలయం వైపు కదలనున్నాయి.

మరోసారి కరోనా లాంటి హెచ్చరిక.. రష్యాలో ప్లేగు కలకలంInternationalSwechaa05 Oct 2026, 11:46 PM

మరోసారి కరోనా లాంటి హెచ్చరిక.. రష్యాలో ప్లేగు కలకలం

కరోనా మహమ్మారి ప్రపంచాన్ని వణికించిన ఘటనను మరిచిపోకముందే.. మరో ప్రమాదకరమైన వ్యాధి కలకలం రేపుతోంది. రష్యాలో ప్లేగు వ్యాధి వ్యాప్తిపై ఆందోళనలు వ్యక్తమవుతున్నాయి. సైబీరియాలోని యాంటీ ప్లేగ్ రీసెర్చ్ ఇన్‌స్టిట్యూట్‌లో పనిచేసే 28 ఏళ్ల మహిళా ల్యాబ్ టెక్నీషియన్ మృతి చెందడం ఈ అనుమానాలను మరింత పెంచింది.

TG: రూ.4 లక్షల లంచం తీసుకుంటూ రెడ్ హ్యాండెడ్‌గా దొరికిన టౌన్ ప్లానింగ్ ఆఫీసర్!తెలంగాణSwechaa05 Oct 2026, 10:29 PM

TG: రూ.4 లక్షల లంచం తీసుకుంటూ రెడ్ హ్యాండెడ్‌గా దొరికిన టౌన్ ప్లానింగ్ ఆఫీసర్!

TG: జీహెచ్‌ఎంసీ టౌన్‌‌ ప్లానింగ్‌ డిపార్ట్‌మెంట్‌లో పనిచేస్తున్న మహిళా ఉద్యోగిని ఏకంగా రూ.4 లక్షల లంచం తీసుకుంటుండగా ఏసీబీ అధికారులు రెడ్ హ్యాండెడ్‌గా పట్టుకున్నారు. రూల్స్‌ను తుంగలో తొక్కి అడ్డదారిలో పనులు చేసిపెట్టేందుకు బేరసారాలు సాగించిన సదరు అధికారిణి చివరికి కటకటాలపాలైంది.మెహదీపట్నం జీహెచ్‌ఎంసీ ఆఫీసులో టౌన్ ప్లానింగ్ సూపర్‌వైజర్‌గా పనిచేస్తున్న తులసీరామ్‌ సునీత అవినీతి వ్యవహారం తాజాగా వెలుగులోకి వచ్చింది. డిప్యూటీ కమిషనర్ ఇచ్చిన ఆదేశాలను సైతం లెక్కచేయకుండా ఓ బిల్డింగ్ నిర్మాణానికి గ్రీన్ సిగ్నల్ ఇవ్వడానికి ఆమె రూ.8 లక్షలు ఇస్తేనే పని జరుగుతుందని సదరు బిల్డర్‌పై ఒత్తిడి తెచ్చింది. పైగా మున్ముందు కూడా ఎలాంటి అడ్డంకులు రాకుండా చూసుకుంటానంటూ హామీ ఇచ్చింది. దీంతో సదరు బాధితుడు ఈ వ్యవహారాన్ని ఏసీబీ అధికారుల దృష్టికి తీసుకెళ్లాడు.

TG: సుప్రీంకోర్టుకు తెలంగాణ హైకోర్టు ప్రధాన న్యాయమూర్తి.. గెజిట్ రిలీజ్!తెలంగాణSwechaa05 Oct 2026, 09:48 PM

TG: సుప్రీంకోర్టుకు తెలంగాణ హైకోర్టు ప్రధాన న్యాయమూర్తి.. గెజిట్ రిలీజ్!

TG: దేశ అత్యున్నత న్యాయస్థానం సుప్రీంకోర్టులో కీలక నియామకం చోటుచేసుకుంది. తెలంగాణ హైకోర్టు చీఫ్ జస్టిస్‌గా సేవలందిస్తున్న జస్టిస్ అపరేశ్ కుమార్ సింగ్ పదోన్నతి పొంది సుప్రీంకోర్టు న్యాయమూర్తిగా నియమితులయ్యారు. ఈ మేరకు కేంద్ర న్యాయశాఖ అధికారిక గెజిట్ నోటిఫికేషన్‌ను రిలీజ్ చేసింది.

BJP: లక్ష్మణరేఖ దాటేస్తున్న బొద్దింకలు.. ఢిల్లీ పెద్దలకు తప్పని తలనొప్పి!..NationalSwechaa05 Oct 2026, 09:31 PM

BJP: లక్ష్మణరేఖ దాటేస్తున్న బొద్దింకలు.. ఢిల్లీ పెద్దలకు తప్పని తలనొప్పి!..

‘కాక్రోచ్ జనతా పార్టీ’.. పేరే వెరైటీగా ఉన్నా, ఇప్పుడు యువత, నిరుద్యోగులను ఆకర్షిస్తూ కేంద్ర ప్రభుత్వానికి సవాల్ విసురుతోంది. ఉద్యోగాలు, ఉపాధి, వ్యవస్థపై అసంతృప్తిని అస్త్రంగా మార్చుకుని సోషల్ మీడియాలో తన ప్రభావాన్ని పెంచుకుంటోంది. అయితే ఈ పార్టీపై ప్రభుత్వం కఠిన చర్యలు తీసుకుంటే.. అదే చర్యలు సానుభూతిగా మారి ఆ పార్టీకే రాజకీయంగా మైలేజ్ ఇచ్చే అవకాశం ఉంది. అందుకే బొద్దింకలను అణచడం అంత ఈజీ కాదని.. ఢిల్లీ పెద్దలకు కొత్త తలనొప్పి మొదలైందనే చర్చ సాగుతోంది.

TG: ఇలా జరుగుతుందని ముందే తెలుసు.. ఖైరతాబాద్ రచ్చపై దానం సంచలన కామెంట్స్!తెలంగాణSwechaa05 Oct 2026, 09:24 PM

TG: ఇలా జరుగుతుందని ముందే తెలుసు.. ఖైరతాబాద్ రచ్చపై దానం సంచలన కామెంట్స్!

TG: ఖైరతాబాద్ అసెంబ్లీ నియోజకవర్గంలో రాజకీయ పరిణామాలు ఊహించని మలుపులు తిరుగుతున్నాయి. ఎమ్మెల్యే పదవి కోల్పోవడం, స్థానం ఖాళీ అయినట్లు అసెంబ్లీ సెక్రటేరియట్ గెజిట్ రిలీజ్ చేయడం, అటు విజయారెడ్డి కోర్టు పిటిషన్లతో ఉపఎన్నికల ఉత్కంఠ పతాక స్థాయికి చేరిన వేళ.. మాజీ ఎమ్మెల్యే దానం నాగేందర్ చేసిన తాజా కామెంట్స్ రాష్ట్ర రాజకీయాల్లో సంచలనం సృష్టిస్తున్నాయి. తనపై అనర్హత వేటు పడటంపై ఆయన స్పందిస్తూ అసలు విషయాన్ని బయటపెట్టారు.ఎన్నికల అఫిడవిట్‌లో తప్పుడు సమాచారం ఇచ్చానన్న ఆరోపణల కారణంగా తనపై అనర్హత వేటు పడలేదని దానం నాగేందర్ కుండబద్దలు కొట్టారు. అసెంబ్లీ ఎన్నికల్లో బీఆర్ఎస్ తరఫున గెలిచిన అనంతరం, మారిన రాజకీయ సమీకరణాలతో మరో పార్టీ తరఫున బరిలోకి దిగడం వల్లే టెక్నికల్‌గా ఈ డిస్‌క్వాలిఫికేషన్ ఎదురైందని స్పష్టం చేశారు.

Telangana Politics: కాంగ్రెస్ - బీఆర్ఎస్ చేతులు కలపబోతున్నాయా ?తెలంగాణSwechaa05 Oct 2026, 09:19 PM

Telangana Politics: కాంగ్రెస్ - బీఆర్ఎస్ చేతులు కలపబోతున్నాయా ?

Telangana Politics: తెలంగాణ రాజకీయాల్లో ఊహకందని పరిణామం దిశగా చర్చలు మొదలయ్యాయా? ఉదయం లేస్తే నువ్వా - నేనా అంటూ కత్తులు దూసుకునే కాంగ్రెస్ - బీఆర్ఎస్ పార్టీలు ఉమ్మడి శత్రువుపై పోరాటానికి ఒకే గూటికి చేరబోతున్నాయా? రాజకీయాల్లో శాశ్వత మిత్రులు, శాశ్వత శత్రువులు ఉండరనే నానుడిని నిజం చేస్తూ ఈ రెండు బద్ధ వ్యతిరేక శక్తులు చేతులు కలపడానికి రంగం సిద్ధమవుతోందా? ప్రస్తుతం గాంధీ భవన్ నుంచి తెలంగాణ భవన్ వరకు.. రాజకీయ విశ్లేషకుల నుంచి సామాన్య ప్రజల వరకు ఇదే అంశం హాట్ టాపిక్‌గా మారింది.ఎన్నికల సంఘం చేపట్టిన ఓటర్ల ప్రత్యేక సవరణ ప్రక్రియ (సర్) చుట్టూ ముసురుకున్న వివాదమే ఈ ఊహాగానాలకు ప్రధాన కారణమైంది. తెలంగాణలో పెద్ద ఎత్తున అర్హులైన ఓట్లను గంపగుత్తగా తొలగిస్తున్నారని, బూత్ లెవల్ ఏజెంట్ల వ్యవహారం నుంచి డ్రాఫ్ట్ లిస్ట్ వరకు ప్రతి దశలోనూ ఎన్నికల సంఘం ఏకపక్షంగా వెళ్తోందని అధికార కాంగ్రెస్ బహిరంగంగానే మండిపడుతోంది.

BSNL: రూపాయికే 24 రోజుల ఉచిత కాల్స్, ఫ్రీ సిమ్ కార్డు.. బీఎస్ఎన్ ఎల్ బంపర్ ఆఫర్!NationalSwechaa05 Oct 2026, 08:31 PM

BSNL: రూపాయికే 24 రోజుల ఉచిత కాల్స్, ఫ్రీ సిమ్ కార్డు.. బీఎస్ఎన్ ఎల్ బంపర్ ఆఫర్!

BSNL: దసరా, దీపావళి పండగల సీజన్‌లో మొబైల్ యూజర్స్‌కి ప్రభుత్వ రంగ టెలికాం సంస్థ బీఎస్‌ఎన్‌ఎల్ ఊహించని బంపర్ ఆఫర్‌ను ప్రకటించింది. ప్రైవేట్ టెలికాం నెట్‌వర్క్‌లన్నీ రీఛార్జ్ ధరలను పెంచేసి సామాన్యులపై భారం మోపుతున్న టైంలో.. కేవలం ఒక్క రూపాయి (రూ.1) కి ఫ్రీ సిమ్ కార్డుతో పాటు 24 రోజుల పాటు ఫ్రీ సర్వీసులను అందిస్తూ మార్కెట్లో సంచలనం సృష్టిస్తోంది.వినియోగదారులను విశేషంగా ఆకర్షిస్తున్న ‘ఫ్రీడమ్ 2.0’ ప్లాన్ ద్వారా బీఎస్‌ఎన్‌ఎల్ కల్పిస్తున్న అద్భుత ప్రయోజనాలు ఇవే.. కేవలం ఒక్క రూపాయికే కొత్త సిమ్ కార్డు రావడంతో పాటు 24 రోజుల పాటు అన్‌లిమిటెడ్ కాల్స్ రావడం, అలాగే ప్రతిరోజూ 1 జీబీ హైస్పీడ్ డేటాతో పాటు రోజుకు 100 ఫ్రీ ఎస్‌ఎంఎస్‌లు లభిస్తాయి. ఒక్క రీఛార్జ్‌కే వందల రూపాయలు ఖర్చు పెట్టాల్సిన ఈ రోజుల్లో, కేవలం రూ.1 తో కొత్త సిమ్‌తో పాటు 24 రోజుల వ్యాలిడిటీ దొరకడం మొబైల్ యూజర్స్‌కి నిజంగా పండగ బొనాంజా లాంటిదే అని చెబుతున్నారు.

ఇలా ఉంటే అధికారంలోకి ఎలా వస్తాం? బీజేపీ నేతలపై సీరియస్తెలంగాణSwechaa05 Oct 2026, 08:26 PM

ఇలా ఉంటే అధికారంలోకి ఎలా వస్తాం? బీజేపీ నేతలపై సీరియస్

BJP: తెలంగాణ బీజేపీ నేతలపై రాష్ట్ర వ్యవహారాల సహ ఇంఛార్జ్ అభయ్ పాటిల్, రాష్ట్ర సంస్థాగత నూతన ప్రధాన కార్యదర్శి మధుకర్ సీరియస్ అయ్యారు. వారికి క్లాస్ తీసుకున్నారు. రాష్ట్ర బీజేపీ పదాధికారుల (ఆఫీస్ బేరర్స్) సమావేశంలో నేతల తీరుపై వారు తీవ్ర అసంతృప్తి వ్యక్తం చేశారు. బీజేపీ ఆఫీస్ చుట్టూ తిరగడం మానేసి జిల్లాల్లో పని చేయాలంటూ సూచించారు. పదవులు తీసుకుని ఏసీ రూముల్లో కూర్చుంటామంటే సరిపోదన్నారు. ఎవరి జిల్లాల్లో వారు ఉండాల్సిందేని స్ట్రిక్ట్ గా వార్నింగ్ ఇచ్చారు.

Anurag Kashyap: మొన్న 'డెకాయిట్'..ఇప్పుడు 'కాకా'..బాలీవుడ్ డైరెక్టర్‌కి టాలీవుడ్‌లో ఛాన్స్సినిమాSwechaa05 Oct 2026, 07:35 PM

Anurag Kashyap: మొన్న 'డెకాయిట్'..ఇప్పుడు 'కాకా'..బాలీవుడ్ డైరెక్టర్‌కి టాలీవుడ్‌లో ఛాన్స్

Anurag Kashyap: బాలీవుడ్ సహా ఇతర సౌత్ భాషల్లోని సీనియర్ స్టార్స్ మన తెలుగు సినిమాలలో మంచి పాత్రల్లో నటించి ఇక్కడ ప్రేక్షకుల్లో ఆదరణను దక్కించుకుంటున్నారు..ఈ విషయం, అందరికీ తెలిసిందే. కానీ, దర్శకులు అంతగా మన తెలుగు చిత్రాలలో నటిస్తున్నది చాలా అంటే చాలా తక్కువ. అయితే, ఈ మధ్య అడవి శేష్ నటించిన 'డెకాయిట్' సినిమాతో తెలుగులో నటుడిగా ఎంట్రీ ఇచ్చాడు బాలీవుడ్ డైరెక్టర్ అనురాగ్ కశ్యప్

TG: ఆసుపత్రి అనుమతుల కోసం రూ. లక్ష లంచం.. ఏసీబీకి అడ్డంగా దొరికిన డీఎంహెచ్‌వో!తెలంగాణSwechaa05 Oct 2026, 07:10 PM

TG: ఆసుపత్రి అనుమతుల కోసం రూ. లక్ష లంచం.. ఏసీబీకి అడ్డంగా దొరికిన డీఎంహెచ్‌వో!

TG: రంగారెడ్డి జిల్లా వైద్య ఆరోగ్య శాఖ అధికారిణి (డీఎంహెచ్‌వో) డాక్టర్ స్వర్ణకుమారి కాసుల కక్కుర్తి పడి అవినీతి నిరోధక శాఖ అధికారులకు అడ్డంగా దొరికిపోయారు. మూతపడిన ఆసుపత్రిని రీ ఓపెన్ చేయడానికి గ్రీన్ సిగ్నెల్ ఇచ్చే క్రమంలో రూ.లక్ష లంచం తీసుకుంటూ ఏసీబీ అధికారులకు రెడ్ హ్యాండెడ్‌గా దొరకడం సంచలనంగా మారింది.ఎల్‌బీనగర్ పరిధిలో సరైన లైసెన్స్ లేదనే కారణంతో ఇటీవల ఓ ఫిజియోథెరపీ హాస్పట్‌ని వైద్య శాఖ అధికారులు క్లోజ్ చేశారు. ఆసుపత్రిని మళ్లీ రీ ఓపెన్ చేయడానికి పర్మిషన్స్ జారీ చేయాలంటే రూ. 2 లక్షలు లంచం ఇవ్వాలని డీఎంహెచ్‌వో స్వర్ణకుమారి డిమాండ్ చేశారు. అంత భారీ మొత్తం ఇచ్చుకోలేని సదరు ఆసుపత్రి యజమాని చివరకు తొలి విడతగా రూ.లక్ష ఇచ్చేందుకు డీల్ కుదుర్చుకున్నారు. అయితే అధికారుల వేధింపులను భరించలేకపోయిన బాధితుడు, లంచం అడిగిన వీడియో ఎవిడెన్స్‌తో నేరుగా ఏసీబీని ఆశ్రయించారు.

ఫోన్ ట్యాపింగ్ కేసు.. కాంగ్రెస్ సీనియర్ నేత విచారణతెలంగాణSwechaa05 Oct 2026, 07:07 PM

ఫోన్ ట్యాపింగ్ కేసు.. కాంగ్రెస్ సీనియర్ నేత విచారణ

తెలంగాణ రాష్ట్ర రాజకీయాల్లో పెను దుమారం రేపిన ఫోన్ ట్యాపింగ్ కేసు విచారణలో కీలక పరిణామం చోటు చేసుకుంది. కాంగ్రెస్ సీనియర్ నేత, రాష్ట్ర వ్యవసాయ, రైతు సంక్షేమ కమిషన్ చైర్మన్‌ కోదండరెడ్డిని సిట్ (స్పెషల్ ఇన్వెస్టిగేషన్ టీమ్) అధికారులు విచారించారు. ఫోన్ ట్యాపింగ్ కేసు దర్యాఫ్తులో కోదండరెడ్డి పేరు తెరపైకి వచ్చింది. దీంతో అధికారులు ఆయనకు నోటీసులు ఇచ్చి విచారణకు పిలిచారు.